
Surê vediguherin qada rantê, gel tê mexdurkirin 

2017-11-02 09:05:38


	AMED - Taxa Alîpaşa ya Sûrê di bin navê veguhestina bajarvaniyê de ji sedî 80’ê hat hilweşandin û cihê xaniyên hatine hilweşandin dê otelên butîk û kargerî bigirin. Tê gotin ku dê xebata înşatê di 400 rojî de biqede.&nbsp;

	&nbsp;

	Hilweşîna li taxa Alîpaşa ya Sûra Amedê berdewam dike. Hilweşîn ji sedî 80’ê temam bû û welatiyên ku xaniyê wan ji destê wan hatiye girtin di şert û mercên giran de dijîn. Cihê xaniyên welatiyan jî dê otelên butîk û kargerî bigirin.

	&nbsp;

	‘Bêyî encamên hiqûqî bên otel tên çêkirin’

	&nbsp;

	Welatiyên li taxê dijîn û bi zorê ji malên wan hatin derxistin diyar kirin ku dê li şûna xaniyê wan TOKÎ bê çêkirin. Welatiyekî wiha got: “Li şûna xaniyê min dê otelê çêbikin. Ez bi zorê ji xaniyê xwe hatim derxistin. Min serî li rêyên hiqûqî dabû. Hîna encam nehatiye lê înşata otelê dike biqede.”

	&nbsp;

	Berdevka Platforma Piştevaniya bi Sûrê re Buşra Cîzrelîoglu xebata otelê ya li taxa Alîpaşayê nirxand û da zanîn ku îhale ji aliyê Fîrmaya LEDA Yapimê ve hatiye girtin û niha wê 3 otelên butîk û 57 avahî û 8 dikan bên çêkirin. Tê gotin ku dê di 400 rojî de otel û dikan bên temamkirin.

	&nbsp;