AMED - Şaredariya Bajarê Mezin a Amedê, di çarçoveya 25'ê Mijdarê Roja Têkoşîna Navneteweyî ya li Dijî Şîdeta li Ser Jinan de, xebateke hişyariyê pêk anî.

 

Serokatiya Daîreya Xizmetên Jin û Malbatê, bi dirûşma "Ji Bo Jiyanek Bê Şîdet, Gotina Me Neqediyaye, Em ê Bi Hev Re Şîdetê Rawestînin" çalakiyan li dar dixe.

 

Di vê çarçoveyê de, li Navenda Jiyanê ya Jinan a Yenîkoyê, ku girêdayî Midûriyeta Daîreya Xizmetên Jin û Malbatê ye, ji xwendekarên kursan re li ser mijarên şîdet û zayenda civakî perwerdeya hişyariyê hate dayîn.

 

Sosyalog Hatice Bozkoç, ku perwerde hînî kursiyeran kir, li ser mijarên şîdeta fîzîkî, psîkolojîk/hestyarî, aborî, zayendî, şopandina bi israr, şîdeta sanal (înternetê) û şîdeta hevdujînê agahî dan û rave kir ku dema jin rû bi rûyê rewşên neyînî dimînin, divê çi bikin.

 

Midûriyeta Daîreya Xizmetên Jin û Malbatê, heta 30ê Mijdarê, wê li navendên jiyanê yên jinan, avahiya xizmeta şaredariyê û li taxên gundewarî karên hişyariyê bimeşîne.