
Civînên jinan ên Şaredariya Sûrê berdewam dikin

2025-08-12 14:53:29


	&nbsp;

	AMED -Fatma Gulan Onkol ku bi jinên li Sûrê re civiya, got, "Em dixwazin ev bajar ji hêla jin û zarokan ve were birêvebirin."

	&nbsp;

	Li Taxa Cevatpaşa ya Sûrê ya Amedê, bi beşdariya Hevşaredara Sûrê Fatma Gulan Onkol, endamên meclîsê û nûnerên Muduriyeta Jinan, civînek jinan hate lidarxistin. Gelek jin beşdarî civînê bûn.

	&nbsp;

	"Hûn pêşengên vê civakê ne"

	&nbsp;

	Fatma Gulan Onkol diyar kir ku Navenda Piştgiriya Jinan ji bo jinan xizmetê dike û jin dikarin ji bo hemû hewcedariyên xwe bi navendê re têkilî daynin û wiha berdewam kir "Em dixwazin ev bajar ji hêla jin û zarokan ve were birêvebirin. Ez îro ne wekî hevşaredar, lê wekî heval û hevrêyek bi we re me. Hûn jin ne bi tenê ne; bi hev re, em ê barê xwe sivik bikin. Hûn pêşengên vê civakê ne; hûn jiyanê dihûnin û rêxistin dikin. Em ê bi hevgirtinê gelek pirsgirêkan çareser bikin."

	&nbsp;

	'Sûr a me hemûyan e'

	&nbsp;

	Jinan di civînê de daxwaza nûkirina taxên xwe, vekirina qursên pîşeyî û organîzekirina çalakiyên civakî kirin. Fatma Gulan Onkol axaftina xwe bi gotina "Sûr a me hemûyan e; divê em bi hev re wê biparêzin û ji bo pirsgirêkên wê çareseriyan bibînin." bi dawî kir.

	&nbsp;

	&nbsp;