Li Êlihê tecawiz li zarokê hat kirin: Kesek hat girtin 

2026-06-21 09:31:52


	 

	Pelşîn Çetinkaya

	 

	ÊLIH- Li navçeya Elîhê, tê gotin ku endamên malbatê tecawizî zarokekê kirine. Tê gotin ku zarok ji ber bûyerê ducanî bûye.

	 

	Zarok, tê gotin di warê hişî de astengdar e û dema li kargehekê dixebitî nerehet dikeve, piştre birine nexweşxaneyê. Li gorî agahiyên hatine bidestxistin, muayene û testên ku di meha Gulanê ya borî de li nexweşxaneyê hatine kirin eşkere kirine ku zarok 7 meh û nîv ducanî bû. Zarok ji aliyê rayedaran ve li Navendeke Parastina Zarokan hatiye bicihkirin.

	 

	Birayê mezin hate girtin.

	 

	Piştî lêpirsîna li ser tecawiza zarokê, birayê mezin ê zarok hate binçavkirin û paşê ji aliyê dadgehê ve hate girtin. Nimûneya DNA'yê ji bav hate girtin.

	 

	Niştecihên taxa ku malbata zarok lê dijî, diyar kirin ku zarok di warê hişî de astengdar e û li kargehekê dixebitî.

	 

	Fermana nepeniyê hate dayîn

	 

	Hat ragihandin ku lêpirsîna doza tecawiza zarokan berdewam dike û dozgeriyê fermana nepeniyê li ser dosyayê daniye.

	 

	Nîşeya Edîtor: Di vê nûçeyê de, navên sûcdaran jî hatine veşartin da ku nasnameya zarok neyê eşkerekirin.