TJA: Em piştgiriyê didin têkoşîna jinên efgan 

2026-08-15 13:33:32


	 

	AMED - TJA, têkildarê salvegera dagirkirina Efganîstanê daxuyanî da û got: "Em piştgiriyê didin têkoşîna rewa ya jinên efganî."

	 

	Tevgera Jinên Azad (TJA) di 15'ê Tebaxa 2021'an de, di salvegera 5'emîn a dagirkirina Efganistanê ji aliyê Talîbanê ve, daxuyaniyek nivîskî weşand.

	 

	Di daxuyaniyê de hat ragihandin ku li kêleka jinên têkoşer ên li dijî rejîma zordar li ber xwe didin disekinin û wiha hat got: "Polîtîkayên ku ji aliyê rejîma Talîbanê ve li Efganistanê têne meşandin ji binpêkirina mafên takekesî wêdetir diçin. Ermanc dikin ku jinan bi tevahî ji jiyana civakî û qadên giştî dûr bixe, rejîmek cûdakariya zayendî ya sazûmanî ye. Tevî hemû zext, qedexe û pêkanînên neqanûnî, em têkoşîna jinên efganî ji bo mafên xwe di qadên girtî, dibistanên bin erdê û torên dîjîtal de silav dikin.

	 

	Divê Neteweyên Yekbûyî û aktorên navneteweyî tavilê dîplomasiya rewakirinê ya ku ji hêla rejîma Talîbanê ve tê meşandin bi dawî bikin. Divê rejîma zextkar a heyî bi fermî wekî 'Cûdakariya Zayendî' wekî sûcek li dijî mirovahiyê li gorî qanûnên navneteweyî were pênase kirin. Wekî Tevgera Jinên Kurd, em piştgiriyê didin têkoşîna rewa ya jinên efgan."