Çalakîya şermezarkerdişê kiştişê Mahsa Amînî de kesêkê ame kiştiş 

2022-09-18 14:02:16


	 

	 

	MERKEZÊ XEBERAN - Vizêr bi amancê şermezarkerdişê kiştişê cinîya ciwane Mahsa Amînî de welatijê bajarê Seqizî vejîyayî kuçeyan û çalakî kerdî. Hêzê rejîmê Îranî gule vernayî serê çalakîkeran, netîce de çend welatijî birîndar û welatijêkê zî dinyaya xo bedelna.

	 

	Bi amancê şermezarkerdişê qetilkerdişê cinîya ciwane Mahsa Amînî (22) ke Tahran de bi bahaneyê sereyê xo nêgirewta, hetê rejîmê Îranî ra ameye destbendkerdiş û dima ra bi îşkence ameye qetişkerdiş. Vizêr bajaranê Rojhelatê Kurdistanî protestoyî ameyî organîzekerdiş.

	 

	Ame diyarkerdiş ke çalakiya şermezarkerdişî yê bajarê Seqizî de hêzê rejîmê Îranî xo hemverê çalakî de nêgirewtê û gule çalîkekaran ser o rijnayê. Netîceyê gulevaranê hêzê Îranî de çend welatijê kurdî yê bajarî birîndar bîyê û welatijêkê zî ameyo kiştiş.

	 

	Welatijo ke ameyo kiştiş ame diyarkerdiş ke nameyê ey Kiyan Direxşan o.

	 

	Derheqê hûmar û rewşa kesê ke birîndar bîyê de agahiyêke zelal nêameye girewtiş.