Hûmara rojnamegerê ke Gazze de  ameyî qetilkerdiş bî 184 

2024-11-09 13:17:27


	 

	 

	MERKEZÊ XEBERAN - Ame neqlkerdiş ke hûmara rojnamegerê ke hêrişê Îsraîlî yê Zîvalê Gazzeyî ser o dinyaya xo bedelnayê, bî 184.

	 

	Hêrişê Îsraîlî yê Zivalê Gazzeyî ser o 7ê Teşrîna Verêne 2023ine ra bêmabên dewam kenê.

	 

	Ofisa Medya ya Hukmatê Gazzeyî eşkerayîyêke nuşteyî da û derheqê rojnamgerê ke netîceya hêrişê Îsraîlî de dinyaya xo bedelnayê agahî da. Eşkerayîye de ame dîyarkerdiş muxabîrê Radyoyê “Vengê Ciwanan” Halid Ebu Zir hetê Îsraîlî ra ameyo qetilkerdiş.

	 

	Eşkerayîye de ame dîyarkerdiş hûmara rojnamegerê ke detspêkê hêrişê Îsrailî yê Gazzeyî ser o de dinyaya xo bedelnayî, bîya 184 û hêrişê Îsrailî yê  rojnamegeranê Filistînî ser o şermezar kerd. Eşkerayîye de venga cimeatê mîyannetewî, dezgehê dinya yê derheqê xebatê rojnamegerîye ke derheqê Îsrailî de semedê sûcê ke kerdê, dadgehê mîyannetewî rê dewa abikerê û semedê sûcê hemverê rojnamegeranê Filistînî û sûcê qirkerdişî bêrê vindarnayîş, teda bikerê.