
Emîne Şenyaşar paştdayîş da nobeta hemverê qeyûman

2024-11-12 14:22:48


	&nbsp;

	&nbsp;

	&nbsp;

	RIHA - Emîne Şenyaşar ke bi têkoşînê xo yê edaletî bîbî sembolêke, hemverê tayînkerdişê qeyûmî tewrê nobeta xoverdayîşî ya Xelfetî bî.&nbsp;

	&nbsp;

	Xoverdayîşê şarê Xelfetî yê Rihayî hemverê tayînkerdişê qeyûmî roja 9ine de dewam keno. Cayê nobete de pankartê “Qeyûm nê demokrasî” ame daliqnayîş. Dayîka Emîne Şenyaşar ke bi têkoşînê xo yê edaletî bîya sembolêke, Pirsûsî ame Xelfetî û tewrê nobete bî.&nbsp;

	&nbsp;

	Emîne Şenyaşar, serdayîş de qisey kerd û wina vat: “Ma semedê edaletê 7 serran xo ver da û xeylê zulm ma rê ame kerdiş. 7 serrî badê lajê mi bi şertê zîndanê keyeyî ame veradayîş. Nika zî semedê şaredarîya ma yê desteserkerdişê nişnena ro. Sucêk kurdan çin o. Wa şaredarîyê ma bidê ma. Wa nê zulmî êdî peynî bikerê. Wa êdî dayîkî nêbermê. Zîndanî bîyê pirr, wa zîndanan veng bikerê. Ma nê şaredarî bi heqê xo bi dest kerd. Ma zulm tu kesêk rê nêkerdo. Heta şaredarîyanê ma bidê, ma do nobete dewam bikerê. Ez zî semedê paştdayîşî ameya.”&nbsp;

	&nbsp;

	Hemşaredara Xelfetî Sanîye Bayram zî destê Emîne Şenyaşar girewte û wina vat: “Yewine waştişê ma edalet o. Wa heqê ma bidê ma. Tu sucêk hemşaredaranê ma çin o. Homa nê zulmî vîneno.”&nbsp;

	&nbsp;

	Sanîyê Bayram, semedê serdayîşî sîpasî Emîne Şenyaşare rê kerd û vat ke do heta peynî wayîrê îradeyê şarî vejîyê.&nbsp;

	&nbsp;

	Nobeta welatijan dewam kena.

	&nbsp;