DEM Partîye paştdayîş da Baroyê Stenbolî

2025-01-15 14:28:43


	 

	 

	 

	ANQARA - DEM Partîye, cipersayîşê derheqê Baroyê Stenbolî de ameyo destpêkerdiş sey “girêdayê polîtîkaya qeyûmî yo” û vat: “Ma paştdayîş danê Baroyê Stenbolî û rêxistinê meslegî.” 

	 

	Serdozgerîya Komare ya Stenbolî semedê Serekê Baroyê Stenbolî Îbrahîm Ozden Kaboglû û endamê Heyetê Îdareyê Baroyî wezîfe ra bêrê girewtiş û vera înan qeyûm bêro tayînkerdiş, dewa akerd. Partiya Têduştî û Demokrasî (DEM Partî) zî derheqê babete de eşkerayîyêke nuşteyî da. 

	 

	DEM Partîye vat ke dewaya ameya akerdiş, tena meseleyêke huqûqî nîya û sey “mudaxilîyêk yewser ê sîyasî yo” ercna. Sewbîna DEM Partîye ard ziwan ke na mesela girêdayeyê polîtîkaya qeyûmî ya darbekarî ya û vat: “Polîtîkaya qeyûmî ya bi îdareyê herêmî dest pêkerd, nika zî bi mudaxileyê hemverê baroyan yena kûrkerdiş. Vindertişê Baroyê Stenbolî yê hemverê caardişê tecrîdî, destbendkerdişê bêhuqûqî, tepiştiş û şîdetê hemverê tutan, sebebê tewr muhîm nê mudaxilî yo.”