
Eyşe Şane dimayê 29 serran Amed de ameye definkerdiş 

2025-06-18 14:11:01


	&nbsp;

	&nbsp;

	AMED - Cenazeya hunermenda kurde Eyşe Şane, goreyê wesîyetê aye, dimayê 29 serran Amed de ameye definkerdiş.

	&nbsp;

	Eyşe Şana ka muzîkê kurdkî de sey “Keybanûya Bêtace” yena naskerdene, 29 serran ra dima cenazeyê aye ame Amed. Eyşa Şana ke 18ê Kanûne 1996î de Îzmîr de şîybî heqîya xo, cenazeyê aye bi beşdarîya hemşaredaranê Amedî Teyaragehê Amedî ra ame girewtene û Goristanê Yenîkoyî de ame definkerdiş.

	&nbsp;

	Cenazeya Eyşe Şane bi beşdarîya Têgêrayîşê Cinîyanê Azadan (TJA), Hemserekê Şaredarîya DEM Partî, temsîlkarê partîyê sîyasî, rêxistinê komelê sivîlî û bi seyan kesan Goristanê Yenîkoyî de ameye nimitiş. Girseyê bi sloganê "Jin jiyan azadi" cenaze defin kerd.&nbsp;

	&nbsp;

	Dimayê definkerdişê Eyşe Şane, gulî gora aye ser o ameyî ronayîş û duayî ameyî wendiş. Badê cû zî deyîrê Eyşe Şane ameyî vatiş.

	&nbsp;

	Lajê Eyşe Şane, Murat Kerse, dimayê definkerdişî qisey kerd û va ke nika ra tepîya maya ey emanetê şarê kurdî ya.

	&nbsp;

	&nbsp;

	

	&nbsp;