3 serrî ceza dîya Şîda Ezîzî 

2025-11-28 14:23:43


	 

	MERKEZÊ XEBERAN - Bi îdiaya ‘vera ewleyîya neteweyî aktîvîte’ hetê Mehkemaya Şorişî ra Şîda Ezîzî rê  3 serrî cezaya hefsî ameye dayene.

	 

	Şîda Ezîzî ya ke Sinê de ciwîyena, hetê Mehkemaya Şorişî ya Îslamî ya Şubeya 1. ra bi îdiaya “vera ewleyîya neteweyî aktîvîte” aye rê 3 serrî cezaya hefsî ameye dayene.

	 

	Goreyê parekerdişê Torra Heqanê Merdiman a Kurdîstanî, na girewteya sîyasî ya ke qawişê cinî yê Merkezê Îslah ûTerbîyeyî yê Sînê de yena girewtene, hewteyanê peyêne de hetê Mehkemaya Şorişî ya Îslamî ya Sinê ya Şubeya 1. Ra bi sucdarîya “vera ewleyîya neteweyî aktîvîte” ya bi rayîrê endamtîya Partîya Komela Kurdîstan a Îranî 3 serrî cezaya hefsî aye rê ameye dayene.

	 

	Şîda Ezîzî demê şerî yê mabênê Îsraîl û Îranî yo 12 rojî de Sinê de ameybî destbendkerdene û cipersayîşê yewîneya îstîxbaratî yo çend hewteyan, sewqê qawişê cinîyan ê Merkezê Îslah û Terbîyeyî yê Sîneyî ameybî kerdene.