Felsefekera fransije Genevîeve Fraîsse destek da vengdayîş

2026-07-02 14:37:16


	 

	MERKEZÊ XEBERAN- Felsefekera femînîst a fransiz û parlamentera verêne ya Ewropa Genevîeve Fraîsse dîyar kerd ke a paştî dana Vengdayîşê Aştî û Komelê Demokratîkî yê Rayberê Şarê Kurdî Abdullah Ocalanî.

	 

	Kampanyaya piştgîrîya mîyanneteweyî ya seba Vengdayîşê Aştî û Komelê Demokratîkî yê Rayberê Şarê Kurdî Abdullah Ocalanî gulbang dana. Felsefekara femînîst a fransiz û endama verêne ya Parlamentoyê Ewropa Genevîeve Fraîsse paşt daye nê vengdayîşî.

	 

	‘Hêvîdar a ke şima do têkoşînê xo yê aştîye de bi ser bikewê’

	 

	Mesajê Genevîeve Fraîsse wina yo: “Nasnameyî ne ‘awanî’ yê vinderte yê maya xo ra bîyayîşî yê; ê ‘prosesê’ herikbar, sîyasî û tarîxî yê. Nasnameyê kurdan zî ‘estbîyayîşêko’ dînamîk o ke cografyaya Mezopotamya û Anatolîya de ameyo awankerdiş, ewro Ewropa de zî dîasporeyêka xo est a û bi cuya sîyasî û kulturê şaranê bînan reyde bîyo yew. Nê semedî ra ez Vengdayîşê Aştî û Komelê Demokratîkî yê Abdullah Ocalanî rast vînena ke herinda ke Kurdbîyayîşî îzole bikero, vîyarneno têkîlîyêka dîyalojîke. Sîyasatêko teberê sînoran û têduşt o ke do mabênê şaranê kurd, tirk, ereb û farsan de bêro afirnayene, bi hawayêko xozayî ganî rastîya herikbar a nasnameyan rê hurmet bimojno. Wext ameyo ke têkoşînê vera neteweperestî û kolonyalîzmî cîyakarî ra dûrî, bi perspektîfêko serê neteweyan ra bêro rayraberdene. Ez bawer kena ke Entegrasyono Demokratîk o ke Ocalanî seba kurdan pêşnîyaz kerdo, no yo. Ez hêvî kena ke şima do têkoşînê xo yê aştî de serkewê.”