Surîye de mîyanê 6 aşman de 276 cinî û domanî merdî 

2026-07-04 13:40:54


	 

	MERKEZÊ XEBERAN - Sûrîye de nîmeyê yewine yê serra 2026ine de 92 cinîyî û 184 domanî ameyî qetilkerdiş.

	 

	Çimdarîya Heqê Merdiman a Sûriye (SOHR), raporê binpaykerdişê heqan ê derheqê cinî û domanan de semedê nîmeyê yewine yê serra 2026ine weşêna.

	 

	Rapor de ame neqlkerdiş ke binpaykerdişanê heqan û şîdetê serê cinî û domanan de zêdebîyayîşêko endîşeyîn pê ameyo.

	 

	Goreyê raporî, mabênê 1ê Çeleyî û 30ê Hezîrane 2026ine de, hedîseyanê şîdetî yê mîyanê welatî de bi pêroyî 276 sivîlan dinyaya xo bedelnayê; înan ra 92 cinîyî û 184 domanî bî.

	 

	Çimdarîye dîyar kerde ke nê dayeyê ke ameyî belgekerdiş nîşan danê ke sivîlî, bi taybetî zî cinîyî û domanî, wareyanê cîya-cîyan ê Sûrîye de hîna zî netîceyên tewr giran ê pêkewtişan vînenê.

	 

	Rapor de ame mojnayîş ke tewr zaf binpaykerdişî aşma çeleyî de ameyê cuyayîş.