Cinîyan proses erjna: Ganî seba aştîye gamî bêrê eştiş

2026-07-20 09:44:35


	 

	Elfazî Toral - Devrîm Findik

	 

	STENBOL - Stenbol de cinîyan proses ercnayî û nêeştişê gamanê hetê îqtîdarî ra rexne kerdî. Cinîyan dîyar kerdî ke vernîya prosesê ke ameyo xetimnayîş, do bi wedaritişê tecrîdî, bi gamanê qanûnî bêrê akerdiş.

	 

	Stenbol de cinîyan derheqê mesela de ajansê ma rê ercnayîş kerdî.

	 

	Elîf Kepeklî: No çend serrî yo hetê huqûqî de tewr tay hewldayîşêk est o. La çi heyf Tirkîya de azadîya fikrî çin a. Tu kes nêşeno fikra xo yê sîyasî bi hawayêk azad bîyaro ziwan. Qanûno neweyî de lazim o ke formê têduştî û azadîye pê bêro. Cezaya ke semedê şîdetê cinîyan ser o yena dayîş 7 aşmî ya. Gelo na 7 aşmî mîqyas o? Wexto ke merdimî na ceza bi cezayê ke sîyasetmedar, hunermendanî ser o yeno birnayîş dir ano têhet, bi rastî zaf komîk o. Gelo no proses çira wina derg dewam kerd. Lazim o ke no bêro persîyayîş. Çi heyf tu çî têduşt nîyo, ez prosesê muzakereyî zî pozîtîf nêvînena.

	 

	Nesrîn Sirtutan: Her ke şino xerabêr beno. Ez semedê ciwan û tutan xemgîn a. Ez mucîze pawena la zehmet o. Roje bi roje sîstem vurîyeno. Ma her şino şibîyenê Îranî.

	 

	Nurdan Yilancioglu: Semedê ke her çî baş bibo ma hewl danê. Merdimê ke xebate kenê zî asteng kenê. Cayê ke edalet çinbo tu çî çin o.

	 

	Sîbel Aktekîn: Rewşa nikayîn xerab a.

	 

	Sedef Turgut: Merdimî bêtepiştiş bêrê muhakemekerdiş başêr o. Heta delîlî kom nêbibê tepiştiş rast nîyo. Kamî fikrê xo vajo yeno tepiştiş. No rast nîyo. Nika semedê tutan muebet vejenê. No çiqas rast o ez nêzana. La lazim o ke tutî bêrê rehabîlîtekerdîş û cimatî dir bêrê qezenckerdiş.

	 

	Asmîn Demîr: Tirkîya de azadîya fikrî çin a. Ez ewro kesêk rexne bikerî, siba yana tepiştiş. Nê qanûnê neweyî ra pabebîyayîşê mi no yo ke Selahattin Demirtaş bêro veradayîş. Lazim o ke her kes bi hawayêk azad fikranê xo bîyaro ziwan. Qetilkerê cinîyan yenê veradayîş û sucanê xo domnenê.

	 

	Nîsa Yazici: Tirkîya de edalet, huqûq, debare çin a. Merdimî bazaran de çîyanê ke yenê eştiş kom kenê. Tepiştiş, destbendkerdiş bêrêzdarîya hemverê heqê merdiman a.

	 

	Buşra Aydin: Rewşe qet baş nîya. Xebate çin a, yê ke wanenê betal ê. Nê welatî de hewcedarîya edalet, heq û huqûqî est a. Ma edalet wazenê.

	 

	Tuba Can: Prosesêk yeno domnayîş la ma hema zî nêzanê senîn yeno domnayîş. Dewlete game nêerzena. Demokrasî yeno qetilkerdiş, cinî yenê qetilkerdiş. Problemê ekonomî zêde yê. Bi rastî ez prosesî pozîtîf nêvîna. Gamî nînê eştiş. Hûmara tepişteyan zêde bena. Ma cinî aştî wazenê. Hêvîdar a ke cewabê nê vengê aştîye bêro dayîş.