
Çeteleyê şîdetî yê aşma êlule: 27 cinî ameyî kiştiş 

2026-10-05 10:22:53


	&nbsp;

	Yeşim Oruç

	&nbsp;

	MERKEZÊ XEBERAN - Goreyê çeteleyê şîdetî yê aşma êlule, tewr tay 27 cinîyî û 6 tutî ameyî kiştene û 10 cinîyî û 6 tutî binê şert û mercanê gumanbaran de merdî.

	&nbsp;

	Aşma êlule de, pêwa qerarê dûrvistişî zî, şîdetê mêrdan ê vera heqê cuye yê cinîyan domîya. Cinîyê ke abirîyayîş waştî hetê mêrdan ra tedaye diyî. Hîn hêrişan de, tutî û merdimê înan zî pêwa cinîyan bîyî hedef. Goreyê çeteleyê aşma êlule yê JINNEWS’î ke raporanê xeberan ra ameyê topkerdiş, tewr tay 27 cinîyî û 6 tutî ameyî kiştene, her wina 10 cinîyî û 6 tutî şert û mercanê gumanbaran de merdî.

	&nbsp;

	Kiştişê Narin Suer û Ayşegul Coşkunî ya hetê mêrdan ra ke pêwa qerarê dûrvistişî zî, mojna ke nê qerarî bi hawayêk ke cuya cinîyan bipawo nêyenê caardiş. Merdişanê gumanbaran de, kewtişê berzî ra, vînayîşê merdeyî keyeyî de yan karî de û vetişê meyîtan ê awe ra sebebê tewr esasî bîyî.

	&nbsp;

	Goreyê bajaran cinîyê ke ameyî qetilkerdiş

	&nbsp;

	Manîsa de 3, Amed de 2, Antalya de 2, Sakarya de 2, Adana de 1, Anqara de 1, Çorum de 1, Denizlî de 1, Dîlok de 1, Êlih de 1, Hatay de 1, Isparta de 1, Stenbol de 1, Kocaelî de 1, Konya de 1, Kutahya de 1, Mereş de 1, Mêrsîn de 1, Mugla de 1, Osmanîye de 1, Tekîrdag de 1 û Xarpêt de 1.

	&nbsp;