COLEMÊRG - Operasyonê leşkerî yê zozanê dewa Tiloranî ya Geverî ameyo destpêkerdiş, roja 7ine de dewam keno. 

 

Operasyonê leşkerî yê 27ê nîsane de çolterê dewa Tiloranî ya qezaya Geverî ya Colemêrgî de ameyo destpêkerdiş dewam keno. Ame zanayîş ke operasyon Koyê Sipêrêzî û zozanê Horê, Berê Sor û Warê Conî de yeno dewamkerdiş. Derûdorê dewa Tiloranî zî hetê leşkeran ra ameyo ablûqakerdiş. Demê dekewtiş û vejîyayîşê dewe de kontrolê nasnameyî yeno kerdiş. Herême de sewbîna têgêrayîşê SÎHAyî est o.