AMED- Narîn Gurana 8 serrî ke Amed de vînî bî, 18 rojî yo nîna vînayîş. Xebatê cigêrayîşî yê Narîne dewam kenê. 

 

Tuta 8 serrî Narîn Gurane 21ê tebaxe de taxa Çulî ya qezaya Baglarî ya Amedî de vînî bî û a roje ra xebatê cigêrayîşî dewam kenê. Vizêr îxbarêk ame kerdiş ser o, xebatê cigêrayîşê Narîne hetê Tîmê Cigêrayîş û Xelaskerdişî yê Cendermeyan (JAK) ra Çemê Egertûtmazî yê 5 kîlometreyan dûrê dewe ke Narîne ci de vînî bîye, dewam kerd. Pêwa cigêrayîşê hetê JAKî ra mîyanê çemî de ameyî kerdiş zî rastê rêça Narîne nêameyî. Xebatê cigêrayîşê Narîne dewam kenê.