MERKEZÊ XEBERAN - Kantonê Firatî de bi desan cinî bi wesîleya 2yîn serrgêra qetilkerdişê sembola serewedaritişî ‘Jin Jiyan Azadî’ Jîna Emînî de ameyî têhet û dîyar kerdî ke ê do bi ruhê Jin Jiyan Azadî zorê îqtîdar berê.

 

Serê qetilkerdişê sembola serewedaritişî ‘Jin Jiyan Azadî’ Jîna Emînî di serrî derbaz bî. Ewro seba yadkerdişê Jîna Emînî, cinîyê Kantonê Firatî bi serkêşîya Kongra Starî çalakîyêke organîze kerdî. Vernîya ke çalakîya şermezarkerdişî dest pêbikero, deqeyêk rêze ameye girewtiş û serê nameyê Îdarekarîya Kongra Starî ya Kantonê Firatî Xunav Xelîl qisey kerd. 

 

Xunav Xelîl, ard ziwan ke û do hemverê sîstemê îqtîdarî tena rayîrê azadî taqîb bikerê û hemverê îqtîdarî bi sloganê Jin Jiyan Azadî qîr bikerê û peynîya nê sîstemî bîyarê.

 

Xunave, ard ziwan ke do sere de Afganîstan û Hindîstan de pêro cinî wayîrê sloganê Jin Jiyan Azadî vejîyenê û vat ke ê do têkoşînê înan heta peynî dewam bikero.

 

Badê cû hetê Têgêrayîşê Kultur û Hunerê Baqî Xido ra tîyatroyêk Keziya Jin ser o ame pêşkêşkerdiş.