ANQARA - Koma Tirkîye ya Tora Mabênkarê Cinîyan ê Akdenîzî Meclis de DEM Partîye dir pêvînayîş kerdî. 

 

Koma Tirkîye ya Tora Mabênkarê Cinîyan ê Akdenîzî, Meclîs de Partîya Têduştî û Demokrasî (DEM Partî)  dir kombîyayîş kerdî. Kome, bi Hemserekê Pêroyî yê DEM Partî Tulay Hatîmogûllari û Tuncer Bakirhan dir zî pêvînayîş kerd. Verfeka Meclîsê Cinîyan ê DEM Partîye Halîde Turkoglû û Amira Îdareyî ya Meclisî Saliha Aydenîz zî tewrê kombîyayîşî bî. Pêvînayîş de rolê cinîyan ê çareserîya bi rayîrê mabênkarî û xebatê semedê çareserîya aştîye yê meseleya kurdî ameyî munaqeşekerdiş. 

 

Koma Tirkîye ya Tora Mabênkarê Cinîyan ê Akdenîzî de Kezban Hatemî, Zeynep Alkiş, Esra Çuhadar, Esra Elmas, Sevtap Yokuş, Fatma Bostan Unsal, Zeynep Andiç û Ayla Akat Ata ca girewtî.