AMED - Mudirîya Karê Pakitî ya Şaredarîya Peyasî ke serê serre ra kampanyaya pakitî dabî destpêkerdiş, bi armancê awankerdişê qezayêk pakêr, saxlemêr û asayîş, xebatê hişyarîyê komelî hema dewam kena. Bi beşdarîya Heşaredarê Peyasî Bêrîvan Gulşen Sîncar û Cengîz Dundar, endamê meclîsê şaredarî û hetkarê hemşaredaran, na xebate bêmabêne dewam kena.

 

Çarçewaya seferberîya pakitî ya na aşma de, sereyê Cihanî ra heta Diclekentî, Keyeyê Afetî ra heta taxa Firatî û derûdorê pêroyê qeza de wareyêk hîra de  xebatê pakitî ameyî kerdiş. Hevşaredar li ser riya ji Kolana Fıratê heta Ceylan AVMê beşdarî xebatêke hîra yê pakitî bî. Peyare, dingê otobusan, binê daran, qeraxê dêsan û cayê bînî bi baldarî ameyî pakkerdiş. 

 

Demê xebatan de, hemşaredaran welatijan dir karê şarederî ser o û pakitî de pêro sohbet kerdî, waştiş û pêşnîyazîyê înan goşdarî kerdî. Sewbîna, înan venga welatijan kerd û bi waştişê pawitişê derûdorî û wayîrvejîyayîşê xoza qal kerdî û vatî: “Semedê Peyasêk pakêr, ganî her kes berpirsyarîyê xo bica bîyaro. Pîya ma eşkenê derûdorê xo pak verdê û qezayêk bedew û pak awan bikerê.”

 

Nê xebatê Mudurîya Karê Pakitî ya Şaredarîya Peyasî, destekdayîşê şarî dir keno armanc ke qeza ver bi ameyoxêk weşêr û pakêr rê bero.