STENBOL - Buroyê Huqûqî yê Asrinî dîyar kerd ke pêvînayîşê înan hetê derûdorê cîya ra ameyo qelbapeykerdiş û va: “Îfadeyê ke vanê birêz Ocalanî qalê DEM Partî keno û rexne kerdo, rast nîyo.”  

 

Buroyê Huqûqî yê Asrinî ke pawitişê Rayberê Şarê Kurdî Abdullah Ocalanî keno, derheqê pêvînayîşê xo yê vizêrî ame parekerdiş û hetê derûdorê cîya ra ameyo qelbapeykerdiş, eşkerayîyêke nuşteyî weşan kerd. 

 

Eşkerayîye de ame vatiş ke rexneyê Adullah Ocalanî semedê DEM Partî nêbî û va: “Hîn derûdorê weşanî û hesabê medyaya dijîtale, roportajêk hetê buroyê ma ra ameyo dayîş, qelbapey kerdê û pare kerdê. Vatişê ke vanê birêz Ocalanî qalê DEM Partî kerdo û rexne kerdo, rast nîyê. 

 

Bêşik pêro derûdor eşkenê bibê babeta rexneyê birêz Ocalanî. Qelbapey çî ameyê parekerdiş; roportajêk ameyo weşanayîş de yeno dîyarkerdiş ke birêz Ocalan vano babeta çareserî meseleya kurdî de resayê sewîyeyêk la bi pêroyî sazgehê sîyasetî cidiyetê lazimî nêkenê. Yeno vatiş ke sîyaset vera probleman çareser bikero, açarnayo şerê berjewendîyan û na rewşe yena rexnekerdiş. No vatiş, semedê temamê sîyasetê Tirkîya ameyo kerdiş û eleqeyê xo DEM Partî dir çin o. No beş roportaj ra ameyo girewtiş, manaya xo ra ameyo dûrvistiş. Bêşik no nêzdîbîyayîş do xizmetê proses û awankerdişê aştî û komelê demokratîkî rê nêkero. Bendewarîyê ma oyo ke pêro derûdor goreyê nê hesasîyetî û cidîbîyayîşî têbigêro.”