AMED - Festîvala Tutan a Navçandî Parkê Sûmerî de roja diyîne de dewam kerd. Semedê tutan park de çalakîya boyaxkerdişî ame organîzekerdiş û tutî bi keyfê zerrîya xo wuştî.

 

Bi serkêşîya Komeleya Vernîya Her Çî Tutî vizêrî Festîvala Tutan ê Navçandî dest pêkerd. Festîvale ke do hîrê rojî dewam bikero roja diyîne de Parkê Sumerî yê qezaya Bajarê Neweyî yê Amedî de dewam kerd. 

 

Mamoste û îdarekarê Zarok Mayê, Komeleya Hêviyê Rengareng, Zarok TV, Mordem Huner, Komeleya Kultur Huner û Edebîyatî yê Cinîyan (KASED), Weqfê Koçî, Komeleya Dadwerî Semedê Tutan (ÇIAD), xeylêk muzîkjenê Katalanî û xeylêk tutî tewrê şayîya festîvale bî.

 

Destpêkê bernameyî de Koma Ma Musicî pêwa tutan kayî amade kerdî û kay kerdî û deyîran vatî. Zarok TV kargeha resm û karîkaturan, Mordem Hunerî Kargeha Kûklayan û Jonglor, KASED'î zî Kargeha Rîsaykilê/Vurnayîş û Kolajî, Weqfê Koçî zî Viraştişê Gerdeniyê Darîn û ÇIAD'î zî Kargeha Resnayîşê Heqî, muzikjenê Katalanî zî kargeha muzîkî organîze kerd.

 

Bername de mamosteyan rîyê tutan boyax kerdî, resman viraştî û tutî bi keyfê zerrîya xo wuştî û kay kerdî. Sewbîna tutan deyîran û muzîkî goşdarî kerd.