MERKEZÊ XEBERAN- Heyetê Cinîyan ê Rojawanî ke Swîsre de pêvînayîşan keno, cinîyanê Suryanîyan dir kom bî.

 

Heyetê Cinîyan ê Rojawanî ke Hemsereka Meclîsê Cinîyanê Vakur û Rojhelatê Sûrîye Emîne Omer, Verfeka Meclîsê Cinîyan ê Sûrîye Muna El Yûsif, Verfeka Cimeatê Cinîyan ê Zenûbiyayî Şehrezad El Casim, endama Koordînasyonê Kongra Starî Jiyan Hisên û Îdarekara Yewîya Cinîyanê Suryanan Jorjêt Bersûm pê yeno, bajarê Unterterzenî yê Swîsreyî de cinîyanê Suryanan dir Mala Jiyanî ya Cinîyan de pêvînayîş kerd.

 

Cinîyê Suryanî ke heyetê cinîyan ê Rojawanî pêşwazî kerd, derheqê Mala Jiyanî yê Cinîyan de agahî da. Bi nameyê heyetî Hemsereka Meclîsê Cinîyan ê Vakur û Rojhelatê Sûrîye Emîne Omer qisey kerd û armancê serdayîşê Ewropayî û pêvînayîşê xo ser agahî da.

 

Îdarekarê Yewîya Cinîyanê Suryanîyan zî dîyar kerdî ke ê parçeyêk Sûrîye yê û Ewropa de timî karê dîplomasî kenê, şorişê cinîyan ê Rojawanî semedê her kesî şansêk muhîm o û modelê Rojawanî wazenê temamê Sûrîye bêro caardiş.