MERKEZÊ XEBERAN - Rayberê Şarê Kurdî Abdullah Ocalan mesajêk semedê şarê Êzîdî, bi taybetî zî semedê şarê Şengalî şirawit. Mesaj do bi eşkerayîyêk çapemenî semedê raya pêroyî bêro neqlkerdiş.

 

Goreyê agahîyan, endamê Îdareya Xoserîya Demokratîke ya Şengalî do bi kombîyayîşêk çapemenî mesajê Rayberê Şarê Kurdî Abdullah Ocalanî yê semedê şarê Şengalî bi raya pêroyî pare bikero. Goreyê Çira TVyî, eşkerayîş saete 15:00ine yê wextê herêmî yê Şengalî de bêro dayîş.

 

Rayberê Şarê Kurdî Abdullah Ocalan verê zî hîrê rey mesajê taybetî semedê Şengalî şirawitib. Mesajêk de prosesê “Aştî û Komelê Demokratîkî” sey ronesansê komela êzîdîyan biname kerdibi. Abdullah Ocalanî dîyar kerdibi ke nê prosesî dir êdî wextê fermanan temam bîyo.