MERKEZÊ XEBERAN - Tepişteya sîyasî Parîsa Kemalî Ardekanî ya ke Zîndanê Yezdî de tepişte ya, hemverê nêvurnayîşê cezaya xo dest bi greva vêşanîye û dermanan kerde.

 

Tepişteya sîyasî Parisa Kamalî Ardakanî ya ke Zîndanê Yezdî de tepişte ya, semedê nêrazîbîyayîşê hemverê nêvurnayîşê cezaya xo dest bi grevê vêşanîye û dermanan kerde. Aye nika roja xo ya newine ya grevê vêşanîye de ya. Yeno neqlkerdiş ke dimayê eşkerakerdişê grevê vêşanîye têkilîyê aye keyeyê aye ra ame birnayîş.

 

Goreyê raporo ke amebi weşaneyene, aye demêko derg verî semedê kêmkerdişê cezaya xo muracat kerdebî. Lê selahîyetdarê zîndanî cewabê waştişê aye nêdayî. Nê bi sebebê grevê vêşanîye.

 

Odaya yew kesî de yena tepiştiş

 

Dimayê nê nêrazîbîyayîşî, selahîyetdarê zîndanî aye kerdî odaya yew kesî û têkilîyê aye keyeyê aye dir birnayî. Yeno neqlkerdiş ke çend roj dimayê nê, Ardakanî semedê beşê pêroyî ameye vurnayîş û semedê nêweşîya tîroîdî rewşe weşîye aye nêbaş a.

 

Ardakanî 30ê nîsana 2024ine Îsfahan de ameye destbendkerdiş û semedê merkezê destbendkerdişî yê Dolatabad ameya neqlkerdiş. Dimayê nê, Şaxa Yewine ya Dadgeha Şorişî yê Îsfahanî semedê “wêrankerdişê malê pêroyî” di serrî surgun û semedê “propagandaya hemverê rejîmî” û “endamîya komê muxalefetî de” bi temamî hewt serrî û new aşmî cezaya zîndanî aye rê birna.

 

Parîsa Kamalî Ardakanî emser Zîndanê Dolatabad ra semedê Zîndanê Yezdî ameye neqlkerdiş.