MERKEZÊ XEBERAN - Çimdarîyê Heqê Merdiman ê Sûrîye (SOHR) neql kerde ke kanûnê 2024ine û heta nika xeylê herêmanê Sûrîye netîceya teqîyayîşê eşteyê şerrî de 23 cinî û 348 tutî, bi temamî 774 sivîlî birîndar bîyî.

 

Qezayê ke Sûrîye de semedê eşteyê şerrî virazênê, tehlukeyê domdarî yê hemverê şarî nîşan danê. Na rewşe lazimîya mudaxaleyê lezgînî semedê pakkerdişê nê eşteyan û pawitişê herêmanê bandorkerdeyan fîneno verê çiman.

 

Rijnayîşê rejîmê Sûrîye û heta nika, tesîrê şerrî tenya bi qetilkerdiş û tasfîyekerdişê rasterastan ra sînorkerde nêmend; eşteyê tehlukeyîn ê sey çeke û teqemenîyê nêteqîyayeyî yê eşteyê şerrî meydanê akerdeyan ra vecîyayî. Na rewşe, bi taybetî semedê tut û cinîyan, her tim vera cuya sivîlan bena tehdîd.

 

Goreyê dayeyê Çimdarîyê Heqê Merdiman ê Sûrîye (SOHR), 8ê kanûne 2024ine û heta nika xeylê herêmanê Sûrîye de netîceya teqîyayeyê eşteyê şerrî de 23 cinî û 348 tutî, bi temamî 774 sivîlî birîndar bîyî. Na rewşe nîşan dana ke pêwa ke operasyonê leşkerî yê rasterastan peynî bî zî, sivîlî hema mîyanê tehlukeyêk giran de yê.

 

Eynî wextî de dayeyê aşman ê emserî mojnenê ke hûmara mexdûran roj bi roje zêde bena. Demo ke aşma teşrîna peyêne bi birîndarbîyayîşê 155 kesan ra hûmara tewr zêde qeyd bîye, aşmê bînan de zî bi desine hedîseyî ameyî neqlkerdiş. Xeylê nê hedîseyî tut û cinîyan ra pê ameyî; no zî muhîmîya hewldayîşê lezgînî semedê pakkerdişê eşteyî û pawitişê herêman destnîşan keno.