Melîke Aydin

 

ÎZMÎR - Şebnem Oguz ard ziwan ke pêvînayîşê komîsyonî yê Îmralî, perspektîfê azadîya kurdî yê bi enerjîya awankerdoxî ya têgêrayîşê sosyalîst, cinî, kede û ekolojîye ra bêrê têhet do vernîya demokratîkbîyayîşê Tirkîya abibo û eksê nê do rîskê rejîmê şerî her tim bidomîyo.

 

Pêvînayîşê komîsyonî yê meclîsî Rayberê Şarê Kurdî Abdullah Ocalanî dir sey gamêka muhîm yena ercnayîş. CHP’yî endam nêda heyetî. Prof. Dr. Şebnem Oguz ard ziwan ke na mesela ne bi sereyê xo mucîzeyêk a ne zî qonaxêk bêmuhîm a û va: “Çi hêzê komelî dora nê game de çi xetê sîyasî awan kenê do muhîm bibo. Pêvînayîşê komîsyonî yê Îmrali, perspektîfê azadîya kurdî bi enerjîya awankerdoxî ya têgêrayîşê sosyalîstî, cinî, kede û ekolojîye dir bêrê têhet do demokratîkbîyayîşê Tirkîya rê rayîr abikerê û eksê nê do rejîmê şerî bidomîyo.”

 

‘Pêvînayîşê komîsyonî gamêka gird a’

 

Şebnem Oguz pêvînayîşê Komîsyon û Îmraliyî sey gamêka tarîxî biname kerde û sebebê ci zî di hetan dir ercnaye: “Yewine mantiqê îdareyê rejîmê nika, dîyin zî îmkanê tarîxî ke na game awan kerde. 2015ine heta nika dewlete hemverê şarê kurdî de rejîmê şerî domna. Bingehê nê stratejî no yo ke meselaya kurdî komelî ra dûr bigîro. Nê demî de komîsyonê meclîsî şi Îmrali. Na gamêka tarîxî ya.”

 

‘Gelo na game paradîgmayêka neweyî mojnena?’

 

Şebnem Oguz bale ante ser game û va: “Persê krîtîkî nê yê; gelo na game bi rastî îmkanê paradîgmayêka neweyî bimojna? Eke qalê vurnayîşê paradîgmayêk bêro kerdene, tenya ziwanêko asayîşî ra derbas bibo mimkun nîyo; meseleya kurdî ganî bi pawitişê heme heqê cuye, azadî, demokrasî û têduştîye ra bêro destgirewtiş. Hîna çarçeweyêka sîyasî ya nê vurnayîşî ke bikero binê asayîşî çin a.”

 

‘Ewil ganî operasyonê leşkerî bêrê vindarnayîş’

 

Şebnem Oguz dewam de gamê bînî yê ke ganî bêrê eştene zî ercnaye û va: “Demo ke tedbirê zêde kenê bibê meseleya qiseykerdişî, bi pêroyî sernameyê dîplomatîk û teknîkî yenê rêzkirdiş. Bingehê ewilî ganî şîdet bêro peynîkerdene. Gamê lezgînî yê ke ganî bêrê eştene ewil operasyonê leşkerî yê. Ganî nê bêrê vindarnayîş, tehdîdê şerî yê hemverê Rojawanî bêrê antiş. Yew hetî de pêvînayîşê Îmralî, heto bîn de gurkerdişê sîyasetê şerî yê dersînorî, aştî nê, rejîmê şerî mojneno. Dîyin zî ganî kerdişê keyfî yê tepişteyan ser o bêro peynîkerdene. Hîrêyîn zî ganî rejîmê qeyûmî peynî bibo. Bawerîya komelî tenya bi tewrîbîyayîşê cinîyan, ciwanan, karkeran, têgêrayîşê ekolojîye ya prosesî eşkeno bêro awankerdiş.”

 

‘CHP îmkanêko gird peygoş kerd’

 

Şebnem Oguz helwestê CHP’yî ke endam nêda komîsyonî zî vinderte û va: “Qerarê CHP’yî mîyanê partîya xo de qerarêk sîyasî ke cayê xo newe ra mojneno yo. CHP wazeno aştî binê kontrola dewlete de bigîro. Semedê nê endamnêdayîşê înan zî tê wateya ‘ma nêwazenê rîsk bigîrê serê xo’. Nê biryarî ji alîyê CHP ra tê wateya ke îmkanêko gird peygoş kerd. Eke CHP nê heyetî de ca bigirewtêne do mesajêko winî bidayîne şarê kurdî û komelê tirkî: Ma amade yê ke ameyoxê nê welatî de pîya bifikirîyê û demokratîk bikerê. Lê eksê nê têgêra. Tîya ra tepîya çîyo ke ganî bêro kerdiş, ganî waştişê şarê kurdî meşrû bêro dîyene. Ganî tewrê prosesî bibê û rolê xo yê tarîxî dir bêro rî bi rî.”

 

‘Awankerdişê sîyasetê aştîye mumkîn û ferz o’

 

Şebnem Oguz dîyar kerde ke awankerdişê sîyasetê aştîye mumkîn o û va: “Awankerdişê sîyasetê aştîye mumkîn o û warê tarîxî de zî ferz o. Semedo ke faşîzmê ewro tena kurdan ser nîyo, heme hetî; cinîyan, karkeran, ciwanan, multecîyan, elewîyan ser o keno û rejîmê şîdetî domneno. No hesabê înan yeno. Semedê nê sîyasetê aştîye tena bêvengkerdişê çekan nîyo, ganî xetêka hempar ê heme wareyan têkoşînî bêro awankerdiş. Ganî hîrê prensîpê nê sîyasetî bibê. Yewine perspektîfê hemverê kolonyal; heta binpaykerdişê cografyaya kurdî nêvuryo demokratîkbîyayîşê Tirkîya mumkîn nîyo. Dîyin ganî hemverê sîstemê patrîyarkalî de bo. Hîrêyîn ganî nêzdîbîyayîşê ke ekolojî û kede esas gêno bikero merkezê xo.”

 

Şebnem Oguz qiseykerdişê xo wina peynî ard: “Dora nê game çi hêzê komelî çi xetê sîyasî awan kenê do muhîm bo. Pêvînayîşê komîsyonî yê Îmrali, perspektîfê azadîya kurdî bi enerjîya awankerdoxî ya têgêrayîşê sosyalîstî, cinî, kede û ekolojîye dir bêro têhet do demokratîkbîyayîşê Tirkîya rê rayîr abikero û eksê nê do rîskê rejîmê şerî her tim bidomîyo.”