MERKEZÊ XEBERAN- Paştîdayîşê seba xoverdayîşê Rojavayê Kurdîstanî çend şino hîra beno. Roşnvîr, nuştox û hunermendanê dinya zî vengdayîşê pawitişê heqanê kurdan kerd.

 

Wayîrê Xelatê Nobelî J.M. Coetzee, nuştoxê kayan Sir Stephen Fry, Serekê PEN’a International Burhan Sonmez zî mîyan de roşnvîr û nuştoxê namdarî ê dinya vengdayîşê çareserîya aştî seba problemanê  Sûrîyeyî û naskerdena heqanê kurdanê Rojava kerd.

 

Vengdayîş de ame vatene ke xeyalê viraştena welatêke heme beşanê komelî ke tede heqê demokratîkî est bê, semedê nêzdîbîyena yewhetî û otokratîk ê rejîmê neweyî verva kemîneteweyan ameyo astengkerdene.

 

Vengdayene de ame vatene ke şerê zereyî yê Sûrîyeyî bi serran dewam keno bîyo sebebê dejê girdi; ganî nakokîyê ke est ê bi diyalog bêrê çareserkerdene û ganî waştena azadîyê yê şarî bêro naskerdene.

 

Vengdayena ke ameya kerdene wina ya:

 

“Vengdayîşê seba Rojava!

 

Şerê Sûrîye dejê girdî viraştê, hem mudaxaleyê aktoranê teberi û hem zî semedê tesîrê şerê mîyanê xo. Bi ameyîşê Ahmed El Şara çeleyê 2025î de serdemêko newe destpêkerd. Xeyalê awankerdişê welatêko ke heme beşanê komelî de heqê demokratîkî bibê, semedê ewnîyayîşê yewhetî û otokratîk ê rejîmê neweyî yê verva kemîneteweyan ameyê astengkerdene.

 

Serranê peyênan de serede şarê elewî û durzî yê Rojava û başûrê Sûrîya ciwîyenê, û nika zî kurdê Rojava yê vakurrojhelatê Sûrîye bîyê hedef.

 

Tena Heleb de, şerê aşma peyêne de mîyanê di rojan de zêdeyî 150 hezarî kurdî keye û wareyê xo ra ameyê vetişî. Nika heme Rojava bîya hedef, hewl yeno dayene ke xoverdayîşê qehremanî yê cinîyan û waştena azadîya pêroyî şarî bêro ecênayîşî.

 

Ma vengdayîşê rayîrê aştîye seba çareserkerdişê nakokîyanê Sûrîyeyî kene. Ma vengdanê ke ganî nê hêrişî vinderê problemî bi rayîrê dîyalogî bêrê çareserkerdene û heqê kurdan Rojava de bêro naskerdene.”

 

Kesê ke îmzeya xo seba vengdayîşî dayê nê yê:

 

Coetzee (Nuştox, wayîrê Xelatê Nobelî), Naomi Klein (Nuştoxe), Brian Eno (Muzîkjen), Sir Stephen Fry (Aktor, Nuştox), Roberto Saviano (Rojnameger), Yanis Varoufakis (Ekonomîst), Siri Hustvedt (Nuştoxe), Philippe Sands (avukat, Nuştox), Burhan Sonmez (Nuştox)