‘Heqê hêvîye babeta bazarê sîyasî nîya’

2026-02-26 13:25:39


	 

	Buşra Turan

	 

	WAN – Hemsereka DBP’ya Agirî Şîlan Turga bale ant caardişê heqê hêvîye ser û va: “Heqê hêvîye babetêka merdimayî ya. Waştişê ma yo sereyîn azadîya fîzîkî ya Rayberê Şarê Kurdî Abdullah Ocalanî ya. Ma behsê azadîya fîzîkî kenê. Birêz Ocalan vernîya cuyayîşê demokratîk û aştîyane akeno.”

	 

	Pêwa qerarê Dadgeha Heqê Merdiman a Ewropayî (DMME) ya ke seranserê cuyayîşê kesêk hemverê rûmetê merdimayîye ercna, Tirkîya no 12 serrî yo tu gamêka somut na babete de nêerzena. Hemsereka Partîya Herêmanê Demokratîkan (DBP) ya Agirî Şîlan Turga dîyar kerd ke tecrîdê Îmralîyî tenya heqê hêvîyê nê, xeylêk heqan binpay keno û eşkerayî kerd ke babete ganî bazarê sîyasî ser o nê, esasê heqî de bêro ercnayîş.

	 

	‘Heqê hêvîye babeta bazarê sîyasî nîya’

	 

	Şîlan Turga eşkera kerd ke pêwa 12 serran ra dima qerarê DMME’yî yê derheqê Abdullah Ocalanî de derbas bîyo Tirkîya tu gamêka somut nêerzena û wina va: “Na serre pêwa prosesê aştî û cimatê demokratîkî zî tu game derheqê heqê hêvîye de nêame eştiş. Na babete ganî munaqeşê polîtîkî, bazarê sîyasî, ganî sey babetêka heqî bêro ercnayîş. Ma heqê hêvîye sey heqê merdimayîye vînenê. No heq semedê Birêz Ocalanî û heme tepişteyan heqê esasî yo. Labelê hukmatê Tirkîya vera nê bigîro rojeva xo, tecrîd domneno.”

	 

	‘Naskerdişê ziwanê kurdkî semedê kurdan babeta bîyayîşî ya’

	 

	Şîlan Turga wina ard ziwan: “Proses bi vatişan nê, ganî bi pratîkan aver şêro. No proseso ke cuyayîşê têduşt û pîya qiseykerdiş de hîna formê ‘Tirkîya bêteror’ yeno kerdiş, kurdî nê qebûl nêkenê. Partîya DEM, têgêrayîşê azadîya kurdî, Birêz Ocalan xesas û pozîtîf bi baldarî nêzdîyê prosesî benê. Nê semedî ra vatişê wina goreyê prosesî nîyê. Pêwa 21ê Sibate Roja Ziwanê Dayîke ya Dinya, ganî komîsyonî babeta ziwanî bigîrê dest. Ziwan semedê kurdan babeta bîyayîşî ya. Nê semedî ra ganî bi hawayêk cidî bêro destgirewtiş.”

	 

	‘Waştişê sereke azadîya fîzîkî ya Abdullah Ocalanî ya’

	 

	Şîlan Turga dîyar kerd ke yewine waştişê înan azadîya fîzîkî ya Abdullah Ocalanî ya û va: “Heqê hêvî û tecrîdî wetayêr ma behsê azadîya fîzîkî kenê. Azadîya Birêz Ocalanî do vernîya cuyayîşê aştîyane û demokratîkî ya Tirkîya abikero. Waştişê ma yê sereke azadîya fîzîkî ya Abdullah Ocalanî ya. Ma heme wareyî de waştişê azadîya fîzîkî anê ziwan.”