Arşîva 30 salî ji gel re tê weşandin 2025-04-04 11:23:08       NAVENDA NÛÇEYAN - Arşîva 30 salan a kanalên televîzyonên Kurdî ku her kes li bendê ye, bi rêya platformên medyaya dîjîtal ji raya giştî re tê vekirin.   Arşîva 30 salan ya televîzyonên Kurdî ku bêyî guh bidin qedexe û sînoran, Kurdan bi cîhanê dan naskirin û bi rêya peykê dest bi weşana xwe kirin, bi rêya platformên medyaya dîjîtal ji raya giştî re tê vekirin.   Vekirina arşîvê ya li ser platformên medyaya dîjîtal ku bi navê Arşîva Kurd (Kurd Archive) hatiye avakirin bi vî awayî hat ragihandin:   “Xezîneya 30 salî tê vekirin   Weşana ku kurdan bi cîhanê da naskirin û bêyî guh bide qedexe û sîn oran, di ser peykan re ket her malê, nirxên bi salan veşartiye niha berpêşî we dike.   Dîmenên ku televîzyongeirya urdî kişandine û hilberandine, arşîva mezin, piştî 30 salan tê vekirin.   Di vê çarçoveyê de, pêşî wê bernameyên MED TVyê ya di sala 1995an de dest bi weşana xwe kir, bên dayîn.   Paşê dê bi dorê bernameyên Medya TV û ROJ TVyê bên dayîn.   Di nava van dîmenan de ku mihra xwe li heyamekê xistine, ji muzîkê bigire heya bi siyasetê, ji bernameyên olî bigire heya dîrokê gelek xebat hene.   Helbet ne ev tenê.   Dê xebatên der barê kelepora gelen li Kurdistanê hatine çêkirin d ejî di projeyê de cih bigirin.   Xebat, ji aliyê kesên ku di hemû heyamên televîzyongeriya kurdî de cih girtine tê meşandin.   Ev tîma xwedîtecrûbe ku bi awayekî sazûmanî dixebite, naveroka karê tê kirin wekî navê xebatê diyar kiriye: Kurd Archive.…”   Kesên bixwazin li dîmenên Kurd Archive binêrin, dikarin bi rêya van platformên medyaya dîjîtal xwe bigihînin rûpelan:   Rûpela Web: kurdarchive.net   Rûpela Youtube: www.youtube.com/@kurdarchive   Tiktok: tiktok.com/@kurdarchive   X: x.com/Kurd_archive   Instagram: instagram.com/kurd_archive   Facebook: facebook.com/kurdarchiv   Linktree: linktr.ee/kurdarchive "