Li Mêrsînê panela li dijî qeyûman 

2024-11-14 21:58:50


	 

	MÊRSÎN - Serokwekîla Koma DEM Partiyê Gulistan Kiliç Koçyîgît di panela li Mêrsînê de axivî, diyar kir ku jinan têkoşîna herî xurt li dijî tayînkirina qeyûman dane meşandin û got, “Piştî qeyûm tayîn kirin, ji çar aliyên Tirkiyeyê jin hatin Êlihê û hevgirtina xwe nîşan dan. Ev formula avakirina civakeke wekhev, azad û adil e."

	 

	Li navçeya Akdenîz a Mêrsînê, Meclîsa Jinê ya Partiya Wekhevî û Demokrasiyê ya Gelan (DEM) panela bi navê “Têkoşîna Demokrasiyê ya Jinan a di Binê Siya Qeyûman de” li dar xist. Gelek rêxistinên jinan beşdarî panela ku li oteleke bajêr hat lidarxistin bûn. Serokwekîla Koma DEM Partiyê Gulistan Kiliç Koçyîgît, endama Desteya Rêveberiya Navendî ya DEM Partiyê Yuksel Mutlu û Hevseroka bajêr a DEM Partiyê Bedriye Kuş weke axaftvan beşdarî panela bi moderatoriya Çîgdem Aksoy bû.

	 

	Bedrîye Kuş a ewil axivî, diyar kir ku jin di 25’ê Mijdarê de bi êrîşên dewletê re rû bi rû ne. Bedrîye Kuş diyar kir ku jin di têkoşîna hevpar a li dijî vê yekê de bi israr in û got, "Em difikirin ku em ê di vê têkoşînê de serketineke mezin bi dest bixin."

	 

	'Pergala hevserokatiyê hedef hatiye girtin'

	 

	Gulistan Kiliç Koçyîgît a ku piştre mafê axaftinê girt, der barê êrîşên li hemberî jinan de nirxandin kir. Gulistan Kiliç Koçyîgît bal kişand ser polîtîkayên qeyûman û wiha got: “Êrîşên li dijî jinan li Kurdistanê pêkanînên taybettir hene. Em dibînin ku ev pêkanîn wisa berfireh dibin ku ji jinan re qada jiyanê nahêlin. Piştî Rewşa Awarte li çaraliyê cîhanê biryarnameyek qanûnî derxistin û gotin ku 'kesên bi terorê tên sûcdarkirin wê ji wezîfeyê bên girtin û li şûna wan qeyûm bê tayînkirin'. Wan ew tayîn kirin. Bi zagona ku di dema Rewşa Awarte de hatî derxistin sê serdem e qeyûm tayîn dikin. Her roj bi awayekî vekirî nîşan didin ku li dijî vîna gel darbeyê dikin. Ji ber vê yekê çalakiya yekem a van bawermendan çi bû? Hewl dan sîstema hevserokatiyê krîmînalîze bikin.”

	 

	'Qeyûm rejîmeke dagirkeriyê ye'

	 

	Piştre Yuksel Mutlu mafê axaftinê girt û diyar kir ku jin nîvê civakê pêk tînin, lê di nava civakê de ji holê radibin. Yuksel Mutlu, anî ziman ku ew ê nebin "jinên ku bên qebûlkirin" û wiha got: "Em ê bibin jinên têkoşer. Şaredariyên me 3 dewran hatin desteserkirin. Qeyûm rejîmeke desteserkirinê ye. Li dijî şaredariyan lêpirsîn hatin vekirin. Zextê li şaredariyan dikin. Têgihiştina me ya demokratîk, ekolojîk û azadiya jinê ye. Em ji bo vê têdikoşin. Îktîdara li hemberî me dibêje, 'Na, tu tenê yî, yan tirk î, sunnî, mêr î, yan tu nayê qebûlkirin.' Li hemberî vê ferasetê, em xwe li ser qebûlkirina cudahiyan esas digirin. Ger em vê prensîbê berfireh bikin, dê hikûmetên navendî û hêzên serdest ji vê yekê bêzar bibin. Ji ber vê yekê êrîş dikin.”

	 

	Piştî axaftinan sînevîzyona li ser têkoşîna jinan hate pêşandan. Piştî nîşandana sînevîzyonê panel bi pirs û bersivan bi dawî bû.