Xwendekar bi krîza aborî re têdikoşin

2025-04-03 09:03:09


	 

	  

	RIHA-Xwendekarên li Rihayê ku di bin siya krîza aborî de hewl didin perwerdehiya xwe bidomînin, diyar kirin ku ew nikarin debara xwe bikin û destnîşan kirin ku Tirkiye di warê perwerdehiyê de li pişt welatên din e.

	 

	Krîza aborî ya li welat her ku diçe kûr dibe, li gel polîtîkayên şer ên hikûmeta AKP'ê, roj bi roj beşên mezin ên civakê bêhrtir ji vê krîzê bi nandor dibin. Îsrara hikûmetê ya di şer de di polîtîkaya hundir û derve de, li şûna ku li hrmberî krîzê gavan biavêje, xizaniya civakî zêdetir dike. Li gorî daneyên TURK-ÎŞ'ê yên Adara 2025'an, asta birçîbûnê bû 23 hezar û 615 TL û asta xizaniyê jî bû 76 hezar û 922 TL.

	 

	Di nava komên ku herî zêde ji krîzê bandor bûne xwendekar hene, xwendekarên ku ji ajansa me re axivîn, zehmetiyên xwe yên di warê aborî de ku dikişînin vegotin.

	 

	'Em di rewşeke xirab de ne'

	 

	 Xwendekara Fakulteya Hunerên Bedew a Zanîngeha Harranê Zeynep Karahan Katircî, bal kişand ser zehmetiyên xwendekariyê yên li welat û wiha got: "Em di warê perwerdegirtinê de ji aliyê aborî ve gelek zehmetiyan dikişînin. Lêçûnên me zêde ne, ez bawer nakim sîstemeke perwerdehiyê ya rast hebe. Li gorî welatên din em di warê perwerdehiyê de di rewşeke xerab de ne."

	 

	'Bûrs lêçûnên me dabin nake'

	 

	Zeynep Karahan Katircî, bursa  ku ji aliyê Saziya Kredî û Wargehan (KYK) ve hatiye dayîn bi bîr xist û got, "Mixabin bûrsa ku ji aliyê dewletê ve hatiye dayîn têra me nake. Burs têra lêçûnên me nake. Em tenê bi bûrsa ku distînin pêdiviyên xwe yên bingehîn dabin dikin. Di dema perwerdehiya xwe de,  min nikarîbû beşdarî tu aktîvîsteyên civakî bibim. Min dixwest pergala perwerdehiyê  bi rêk û pêk be. Lê di her warî de di vê pergalê de pirsgirêk hene."

	 

	 'Em piştgiriyê ji malbatan digirin'

	 

	Xwendekara Fakulteya Hunerên Bedew a Zanîngeha Harranê Nazar Dîndar jî li ser zehmetiyên xwendekariyê yên li welat axivî û got: "Li vî welatî xwendekarî pir zehmet e. Derfet kêm in. Pereyê di bin naê bûrsê de tê dayîn gelek kêm e. Wekî xwendekar em di rojên dijwar re derbas dibin. Em bi pereyên ji me re tên dayîn bi zahmetê debara xwe dikin. Ger hûn tenê li lêçûnên me yên ji bo fotokopiyan binêrin hûn ê zahmetiyên em dikişînin bi zelalî bibînin. bi bursa ji me re tê dayîn em nikarin debara we bikin û em ji malbatên xwe di warê aborî de piştgiriyê digirin."

	 

	'Em di tengasiyê de ne'

	 

	Nîsa Karahan a ku ji bo azmûna Saziya Hîndekariya Bilind (YKS) dixebite, behsa pirsgirêkên xwe yên xwendekariyê kir. Nîsa Karahan got, "Dema ku lêçûnên azmûn û rêwîtiyê zêde be em rastî zehmetiyan tên. Di perwerdehiyê de zehmetiyên me hene û em nikarin pereyên ji bo ku em bikevin azmûnan bidin. Pêdiviya me ji bilî saziyên dewletê yên perwerdehiyê bi saziyên taybet  jî heye. Li ji ber bihabûnê em nikarin ji saziyên taybet ên perwerdehiyê sûda bigirin."