Şandeya HDK, DEM Partî û DBP li Hewlêrê dest bi hevdîtinan kir

2025-04-21 13:52:02


	 

	 

	 

	NAVENDA NÛÇEYAN - Şandeyek ji HDK, DEM Partî û DBP’ê li bajarê Hewlêrê yê Başûrê Kurdistanê, têkildarî Banga "Aştî û Civaka Demokratîk" a Rêberê Gelê Kurd Abdullah Ocalan dest bi hevdîtinan kir.

	 

	Di daxuyaniya Navenda Çapemeniyê ya DEM Partiyê de hate gotin: “Şandeya ji Hevberdevka HDK’ê Meral Daniş Beştaş, Endamê me yê Desteya Rêveberiya Navendî Serhat Eren, Hevberdevkê Komîsyona Dîplomasiyê ya DBP’ê Mûrat Sarisaç, Parlamentera me Salîha Aydenîz, Hevberdevkê me yê Meclîsa Ciwanan Rezan Kaganarslan û Nûnerê me yê li Hewlêrê Mûrat Şen li Hewlêrê hevdîtinan dike.”

	 

	Hate ragihandin ku têkildarî Banga "Aştî û Civaka Demokratîk" a Rêber Apo wê li Hewlêrê bi partiyên siyasî, kesayet û rêxistinên girseyî yên demokratîk re hevdîtin bê kirin.

	 

	Şandeyek bi heman rengî beriya niha li Silêmaniyeyê hevdîtinên bi heman rengî kiribû û têkildarî pêvajoyê danûstandin kiribû.