Berxwedana li Tişrînê didome  

2025-04-29 13:00:16


	 

	 

	NAVENDA NÛÇEYAN - Ji 4 bajarên kantona Cizîrê karwanekî din ji bo ku nobetê dewr bigire, ber bi Bendava Tişrînê ve bi rê ket.

	 

	Ji 8’ê Çileya îsal ve gelê Bakur û Rojhilatê Sûriyeyê ji bo parastina bendava Tişrînê ji êrişên dewleta Tirk a dagirker û çeteyên wê çalakiya nobetê li bendavê dike. Çalakî bi koma ji kantona Firatê dewam dike.

	 

	Ji bajarên Qamişlo, Tirbespiyê, Amûdê û Til Hemîsê karwanek ji bo nobetê dewr bigire, vê sibehê ber bi bendavê ve bi rê ket.

	 

	Di karwan de hin kes cara yekemîn û hin din cara duyemîn û sêyemîn e cih digirin.

	 

	Karwanê ji 4 bajaran dê nobetê ji koma ji kantona Firatê dewr bigire.