
Li gundê Peyasê xebatên tendirûstiyê 

2025-10-17 09:25:57


	&nbsp;

	AMED - Gerînendetiya Polîtîkayên Jinan û Gerînendetiya Karên Tenduristiyê ên Şaredariya Peyasê bi hevkariya şaxa Sendîkaya Kedkarên Tenduristiyê û Xizmeta Civakî (SES)ya Amedê, li gundêAkdîbekê ku girêdayî navçeya Peyasê ye, ji bo jinan xebateke agahdarkirina derbarê penceşêra pêsîrê pêk anî.

	&nbsp;

	Şaredariya Peyasê, di çarçoveya “Meha Haydariya Penceşêra Pêsîrê” de, li gundan ji bo jinan xebatên agahdarkirinê li dar xist. Gerînendetiya Polîtîkayên Jinan û Gerînendetiya Karên Tenduristiyê bi hevkariya Şaxa SES'ê ya Amedê, li gundê Dankiranê xebateke agahdarkirinê ya li ser penceşêra pêsîrê ji bo jinan hate kirin.

	&nbsp;

	Di vê xebatê de, agahiyên berfireh derbarê penceşêra pêsîrê û girîngiya teşhîsa zû ji jinên gund re hatin dayîn. Herwiha yekîneyên tenduristiyê yên şaredariyê, pîvandina tansiyon û şekirê xwînê ya jinên gund kirin û di derbarê encaman de wan agahdar kirin.&nbsp;

	&nbsp;