Li Frankfurtê starta 8’ê Adarê hate dayîn

2026-03-01 21:34:30


	 

	 

	NAVENDA NÛÇEYAN- Li bajarê Frankfurt a  Almanyayê bi beşdariya bi sedan jinan panelek hat lidarxistin û bi vê panelê re li eyaleta Hessenê çalakiyên 8’ê Adarê Roja Jinan a Cîhanê dest pê kirin. Di bernameyê de têkoşîna jinan, nasname û pêvajoya aştiyê hatin nîqaşkirin.

	 

	Li bajarê Frankfurt a Almanyayê bi sedan jin, di panela bi mijara “jin û piştgirî” de ku li salona Frankfurt Saalbau hat lidarxistin hatin cem hev û starta çalakiyên 8’ê Adarê ya eyaleta Hessenê dan. Çalakî, piştî deqeyek rêzgirtinê dest pê kir.

	 

	Di çarçoveya bernameyê de koroyeke ji jinan pêk tê, bi keman û defê derket ser dikê. Di çarçoveya çalakiyên 8’ê Adarê de ji Tevgera Jinên Kurd Zeynep Dersim û Parlamentera DEM Partiyê Berîtan Guneş wekî panelîst beşdar bûn. Di panelê de li ser nasname, rol û mîsyona jinan nîqaş hatin meşandin; her wiha mijarên wekî “Çima em li vir in?” ku Rêberê Gelê Kurd Abdullah Ocalan di çarçoveya pêvajoya “Aştî û Civaka Demokratîk” a di 27’ê Sibata 2025’an de dabû destpêkirin de anîbû ziman û ka divê jin çawa daxilî vê pêvajoyê bibin, hatin nirxandin.

	 

	Berîtan Guneş di axaftina xwe de diyar kir ku bandorên psîkolojîk û fîzîkî yên şerên li Rojhilata Navîn de li ser jinan sînor nasekin û destnîşan kir ku sekinandina li dijî vê yekê tenê bi têkoşîna rêxistinkirî ya jinan pêkan e. Berîtan Guneş bal kişand ser girîngiya nasname û alavên îdeolojîk û got ku herikîna “Jin, Jiyan, Azadî” li seranserê cîhanê veguheriye tevgerek gerdûnî; çawa ku li Rojhilat dest pê kiribe, vîna rêxistinkirî û kolektîf wê berxwedana topyekûn a jinê derxîne holê.

	 

	Zeynep Dêrsim diyar kir ku planên qirkirinê yên ji 6’ê Çile ve li dijî Kurdan dihatin meşandin, bi berxwedana gel û raya giştî ya gerdûnî ya ku ava bû hatine pûçkirin û destnîşan kir ku xetere bi temamî ji holê ranebûye. Zeynep Dêrsim bal kişand ser rol û mîsyona Abdullah Ocalan ya di pêşîgirtina şerê Kurd-Ereb ê li Rojava de û wiha got: “Pêvajoya ku Rêber Apo di 27’ê Sibata 2025’an de li ser bingeha nefesstandina Kurdan da destpêkirin, gelê Kurd careke din ji qisqaca qirkirineke mezin rizgar kir. Di dorpêça qirkirinê ya Rojava de me ev rastî careke din dît. Bi vê wateyê divê em vê pêvajoyê hemûyî wekî fikir û wekî hîs baş fêm bikin. Hemleya dîrokî ya 27’ê Sibatê ya Rêber Apo, dema ku me ji bînbûna Kurdistana duyemîn a Xezeyê rizgar dikir, ji aliyê din ve jî derdorên ku xwestin vê sîber bikin çêbûn. Dîrokê careke din Rêber Apo mafdar derxist û her kesî ev dît. Bi vê wateyê, divê em paradîgmaya Rêber Apo ji bo Rojhilata Navîn a bêşer û cîhaneke bêşer baş bidin nasîn.”

	 

	Piştî panelê şanoya ku ji aliyê jinên Komeleya Çandê ya Saryayê ve hatibû amadekirin bi temaşevanan re hat gihandin. Çalakî bi performansa koma folklorê ya Govenda Sarya dom kir û bi stranên ku hunermend Meral Alkan gotin bi dawî bû.