Li Amedê ji bo zarokan atolyeyên muzîkê 

2026-11-03 20:05:05


	 

	AMED - Şaredariya Bajarê Mezin a Amedê û Şaredariya Sûrê ji bo ku beşdarî pêşveçûna hunerî ya zarokan bibin û ew bikaribin jêhatîyên xwe keşif bikin, li Navenda Dîjîtal a Bagivarê bernameyek perwerdehiya muzîkê ya berfireh dan destpêkirin.

	 

	Kursên muzîkê ji bo zarokan, ku ji hêla Daîreya Çand, Huner û Karûbarên Civakî ya Şaredariya Bajarê Mezin a Amedê Şaredariya Sûrê ve li Navenda Dîjîtal a Bagivarê hatine destpêkirin, bi dîmenên rengîn dest pê kirin. Atolyeyên muzîkê yên ku li Navenda Dîjîtal a Bagivarê têne bicîh kirin, zarokan bi hunerê ve girêdidin. Zarokên ku perwerdehiya gîtar, piyano, keman, erbane û sazê  dibînin, derfeta wan heye ku jêhatîyên xwe keşif bikin û pêş bixin. Atolyeyên ku ji hêla zarokên li Bagivarê dijîn ve eleqeyek mezin kişandine, di bin rêberiya mamosteyên pispor de perwerdehiya pratîkî peyda dikin.

	 

	Zarok hêza yekgirtî ya hunerê nas dikin

	 

	Di dersên ku ji hêla mamosteyên pispor ve têne rêvebirin de, zarok ne tenê karanîna teknîkî ya enstrumanan fêr dibin, lê di heman demê de bi derbirîna afirîneriya xwe jî derfeta wan heye ku jêhatîyên xwe yên lêdanê baştir bikin.

	 

	Armanca atolyeyên muzîkê ew e ku ji bo pêşketina civakî û rewşenbîrî ya zarokan cihan biafirîne, wan bi hêza yekgirtî ya hunerê ve girêbide.