
Li gelek bajaran tayînkirina qeyûman hat protestokirin

2024-12-01 20:01:00


	&nbsp;

	NAVENDA NÛÇEYAN - Di çalakiyên li dijî tayînkirina qeyûman hat diyarkirin ku qeyûm pêkanînên dizî, mêtingerî, dijminatiya xwezayê û ekolojiyê ye û wiha hat gotin: "Em we hişyar dikin, dev ji faşîzmê berdin."

	&nbsp;

	Piştî şaredariyên Esenyurt, Mêrdîn, Êlih, Xelfetî û Dersimê, tayînkirina qeyûm a ji bo Miksê li gelek bajaran hat şermezarkirin.

	&nbsp;

	Edene

	&nbsp;

	Hêzên Ked û Demokrasiyê yên Edeneyê li Parka Înonû çalakî pêk anîn. Girseyê pankartên “Qeyûm derbeya li demokrasiyê ye. Ji darbeyê re na" û "Em ê bi berxwedanê li dijî desteserkirinê vînê bi ser bikevin" hilgirtin û dirûşmên “Li dijî faşîzmê mil bi mil”, “Bendan ne li pêşiya gel li pêşiya qeyûman deynin”, “Maf, hiqûq, edalet”, “Zext nikarin me bitirsînin" û "Birsen Orhan rûmeta me ye" hatin berzkirin.

	&nbsp;

	Piştî axaftina Serokê Şaxa Komeleya Mafên Mirovan (ÎHD) ya Edeneyê parêzer Yakup Ataş bertek nîşanî desteserkirina vînê da. Daxuyanî ji aliyê Serokê Şaxa TUM BEL-SEN’ê ya Edeneyê Mehmet Çelîk ve hat xwendin. Mehmet Çelîk banga rêzgirtina li vîna gel kir û got, "Darbeya qeyûm tê wateya rawestandina demokrasiyê. Qeyûm zilm û dizî ye. Qeyûm bêçaretî, dijminatiya gelê xwe ye." &nbsp;

	&nbsp;

	Enqere

	&nbsp;

	Hêzên Ked û Demokrasiyê yên Mamakê li Tuzluçayirê desteserkirina &nbsp;vînê şermezar kir. Hevseroka DEM Partiyê ya Enqereyê Fatin Kanat, nûnerên partiyên siyasî û rêxistinên sivîl beşdarî çalakiyê bûn. Di çalakiyê de pankarta “Yên vîna me nas nakin em jî wan nas nakin” hat hilgirtin û dirûşma “Jin jiyan azadî” hat berzkirin.

	&nbsp;

	Rêveberê DEM Partiyê yê Mamakê Salih Gonultaş diyar kir ku polîtîkayên qeyûman desteserkirina îradeyê ye û got, "Em we hişyar dikin, dev ji faşîzmê berdin."

	&nbsp;

	Denîzlî

	&nbsp;

	Rêxistina DEM Partiyê ya Denîzliyê li ber avahiya navçeya Merkezefendi daxuyanî da çapemeniyê. Di daxuyaniyê de pankarta "Şaredarî yên me ne, em desteserkirina vînê qebûl nakin" hat vekirin û dirûşma “Em xwedî li vîna xwe derkevin, &nbsp;qeyûman qebûl nekin”, “Bijî aştî, bimre faşîzm”, “Em ê bi berxwedanê bi ser bikevin", "Jin jiyan azadî" û “Vîna gel nayê desteserkirin" hatin berzkirin.&nbsp;

	&nbsp;

	Hevseroka &nbsp;DEM Partiyê ya Pamûkkaleyê Esma Aslan di çalakiyê de axivî û got, “Pirsgirêka bingehîn pirsgirêka Kurd e. Li şûna bi rêyên demokraîk û aştiyane çareser bikin serî li zext, zordrî, înkar û polîtîkayên qeyûman didin. Em li vir bang desthilatdariya siyasî dikin ku dev ji pêkanînên qeyûman berdin.”

	&nbsp;