
Banga azadiya Abdullah Ocalan kirin

2025-10-16 12:14:08


	&nbsp;

	NAVENDA NÛÇEYAN - Meclisa Jinan Meclisa Malbatên Şehîdan a Kantona Reqayê daxwaza azadiya fîzîkî ya Rêberê Gelê Kurd Abdullah Ocalan kir û got azadiya fîzîkî ya Rêber Abdullah Ocalan azadiya jinan û tevahiya civakê ye.

	&nbsp;

	Meclisa Jinan a Meclisa Malbatên Şehîdan a Kantona Reqayê bi daxuyaniyekê banga azadiya fîzîkî ya Rêberê Gelê Kurd Abdullah Ocalan kir.

	&nbsp;

	Daxuyanî li qada Meclisa Malbatên Şehîdan a bajarê Reqayê bi amadebûna nûnerên saziyên sivîl û tevgerên jinan hat dayîn.

	&nbsp;

	Endama Koordînasyona Jinan a Meclisa Malbatên Şehîdan a Kantona Reqayê Cemîla Xelîl daxuyanî xwend.

	&nbsp;

	Di daxuyaniyê de hate gotin, zêdetirî 25 sal e Abdullah Ocalan ragirtî ye û di bin tecrîdê de ye, ji ber projeyeke mirovî hilgirtiye ku daxwaza azadî, demokasî, edaleta civakî ji bo tevahî gelan, di serî de azadiya jinan dike.

	&nbsp;

	Di daxuyaniyê de tecrîda li ser Abdullah Ocalan hat şermezarkirin û hate gotin Abdullah Ocalan ne dengê pêkhateyek tenê bû, lê dengê tevahî pêkhateyan e.

	&nbsp;

	Di daxuyaniyê de hate destnîşankirin ku azadiya fîzîkî ya Abdullah Ocalan azadiya jinan û tevahiya civakê ye.

	&nbsp;

	Di dawiya daxuyaniyê de bang li rêxistinên mirovî û hiqûqî hat kirin ku azadiya fîzîkî ya Abdullah Ocalan pêk bînin û wekî gaveke esasî ber bi pêkanîna aştî û demokasiyê li herêmê û cîhanê ve bi nav kir.

	&nbsp;