
Li Curnê Reş hevkarî û perwerdehiyeke xurt a jinan  

2026-02-18 09:52:03


	&nbsp;

	RIHA - Şaredariya Curnê Reş bernameyeke perwerdehiyê ya girîng li dar xist. Armanca sereke ev e ku polîtîkayên jinan bixe navenda rêveberiyên herêmî û xûrt bike.

	&nbsp;

	Şaredariya Curnê Reş bernameyeke perwerdehiyê ya girîng li dar xist. Armanca sereke ev e ku polîtîkayên jinan bixe navenda rêveberiyên herêmî û xûrt bike. Perwerdehî bi hevkariya Yekîtiya Şaredariyên Herêma Anatoliyaya Başûrê Rojhilat (GABB) û Gerînendetiya Polîtîkayên Jinan a Şaredariya Peyasê hatibûn organîzekirin, li ser wekheviya zayendî û nûnertiya jinan di rêveberiyên herêmî de sekinîn.

	&nbsp;

	Perwerdehiyeke piralî û kûr &nbsp;

	&nbsp;

	Di bin sernavê “Hêzkirina Gerînendetiyên Jinan û Wekheviya Zayendî” de, ji bo avakirina nêzîkatiyeke jin-navendî di rêveberiyên şaredariyan de pêşkêşiyeke berfireh hat dayîn. Perwerdekarên GABB û Gerînendetiya Polîtîkayên Jinan mijarên jêrîn bi awayekî kûr vekolîn û vegotin:Pergala Rêveberiyên Herêmî û Etîka li Qadê; nêzîkatiya pîşeyî di xizmetên li ser bingeha mafên jinan, Aboriya Jinan di Kooperatîfan de; modelên herêmî ji bo zêdekirina beşdariya jinan di jiyana aborî de û Amadekirina Budçeya Hestiyar; budçekirina ku zayenda civakî li ber çavan digire û bi awayekî ku wekheviya zayendî misoger bike.

	&nbsp;

	Armanca bingehîn Rêveberiya Herêmî ya Jinan e

	&nbsp;

	Armanca sereke ya vê bernameyê ew e ku kapasîteya îdarî ya gerînendetiyên jinan ên di şaredariyan de zêde bike û pratîkên di vî warî de bên xurtkirin. Beşdaran diyar kirin ku perwerdeyeke bi vî rengî gaveke pir erênî û girîng e ji bo avakirina nêzîkatiyeke xizmetê ya berfireh, wekhev di rêveberiyên herêmî de.

	&nbsp;

	Gerînendetiya Polîtîkayên Jinan armanca bingehîn a bernameyê bi van gotinan bi dawî kir û got: “Ev bername ne tenê perwerdeyeke teorîk e, di heman demê de gaveke pratîk e ji bo guhertina rastiya jiyana rojane ya jinan li herêma weke Cûrnê Reş...”

	&nbsp;