
Li Fransayê çalakî didomin: Sedhezar dadikevin qadan

2026-11-05 13:57:33


	&nbsp;

	NAVENDA NÛÇEYAN Li Fransayê li ser banga xwepêşandan û grevan a sendîkayan a bi armanca zêdekirina mûçeyan, îstîhdam û parastina xizmetên cemaweriyê tê payîn ku li seranserê welêt bi sed hezaran kes dakevin qadan.

	&nbsp;

	Li Fransayê kedkar, karmend, ciwan îro bi daxwaza zêdekirina mûçeyan, parastina xizmetên cemaweriyê û garantîkirina îstîhdamê beşdarî grev û xwepêşandanan dibin. Tê plankirin ku li sernaserê welêt 252 çalakî û xwepêşandan werin lidarxistin û li gorî rayedaran tê payîn ku li paytext Parîsê di navbera 40 hezar û 80 hezaran de kes &nbsp;beşdarî meşê bibin.

	&nbsp;

	Li gorî texmînên rayedaran, li bajarên derveyî Parîsê jî wê 500 hezar yan jî 700 hezar kes dakevin kolanan.

	&nbsp;

	Sendîka banga grevên mezin dikin

	&nbsp;

	Yekîtiya di navbera sendîkayan de ku CFDT, CGT, FO, Unsa û FSU pêk tînin, di destpêka meha Cohmetê de bi armanca zêdekirina mûçeyan, parastina xizmetên dewletê, îstîhdam û pîşesaziyê ji bo 5’ê Mijdarê banga greva neteweyî û xwepêşandanan kiribû.

	&nbsp;

	Sendîkayan, ji bilî xebatkarên dewlet û sektora taybet bang li ciwan û teqwidan jî kir ku beşdarî çalakiyan bibin.

	&nbsp;

	Sekretera Giştî ya CGT’ê Sophie Binet, di daxuyaniya xwe ya piştî hevdîtina 21’ê Cotmehê ya li gel hikûmetê de diyar kiribû ku divê têkoşîn derbasî qonaxeeke din bibe û grev wê ji 5’ê Mijdarê û pê ve derkeve pêş. Sekretera Giştî ya CFDT’ê Marylise Leon jî 5’ê Mijdarê weke xaleke girîng a kombûna seferberiyê pênase kiribû.

	&nbsp;

	Tedbîr zêde dibin

	&nbsp;

	Wezîrê Karên Hundirîn ê Fransayê Laurent Nunez diyar kir ku wê ji ber grev û xwepêşandanan li seranserê welêt 70 hezar polîs û cendirme werin wezîfedarkirin.

	&nbsp;

	Berdevkê hikûmetê Maud Bregeon destnîşan kir ku rêveberî gelekî baldar e û got ku ew ê destûrê nedin bûyerên weke tundî û talanê yên di xwepêşandanên 17’ê Cotmehê de pêk hatine

	&nbsp;

	Çalakiya 5’ê Mijdarê, piştî greva karmendan a di 29’ê Îlonê de, xwepêşandanên girseyî yên di 17’ê Cotmehê de û xwepêşandanên di 24 û 31’ê Cotmehê de hatin lidarxistin, tê lidarxistin.

	&nbsp;

	Ji bilî CGT’ê koordînasyona ‘’Êlek Zeran’’ jî ji bo 5’ê Mijdarê banga ‘’5’ê Mijdara gel’’ kiribû.

	&nbsp;

	Li seranserê cîhanê bertekên li dijî bihabûnê&nbsp;

	&nbsp;

	Sendîka û rêvistinên mafparêz ên Fransayê li gel saziyên li Îtalya, Portekîz, Spanya, Belçîka, &nbsp;Yewnanistan û Brîtanyayê di dawiya meha Mijdarê de li dijî buhabûna jiyanê banga lidarxistina xwepêşandanên koordînekirî jî kiribûn.