
‘Tirkîya semedê hêrişê Rojawanî bikero sebeban gêrena’

2024-10-30 10:58:07


	&nbsp;

	&nbsp;

	&nbsp;

	Nazlican Nûjîn Yildiz

	&nbsp;

	ÎZMÎR - Parlamentera DEM Partî ya Îzmîrî Burcugul Çubuk derheqê hêrişê Tirkîya yê hemverê Vakur û Rojhelatê Sûrîye de qisey kerd û da zanayîş ke Tirkîya her rey bahaneyan awan kena û nê hêrişan kena. Burcugule wina vat: “Nê hêrişî cografyaya Kurdistanî ra xoser nîyê. Sebebê nê hêrişan, zorberdişo.”

	&nbsp;

	Tirkîya şewa 23yê teşrîna verêne hemverê Vakur û Rojhelatê Sûrîye de hêriş da destpêkerdiş û şarê sivîlî hedef girewt û xeylêk kesî dinyaya xo bedelnayî. Merkezê Îrtîbatê Çapemenîye yê Hêzê Asayîşê Zerreyî yê Vakur û Rojhelatê Sûrîye derheqê hêrişan de eşkerayî da û dîyar kerd ke Tirkîya bi teyeranê keşfî 99, bi teyeranê şerî 13, bi eştişê topan 573 bi pêroyî 685 rey hêrişê herême kerd. Nê hêrişan de 14 ci ra sivîlî û hêzê asayîşî, bi pêroyî 17 kesî dinyaya xo bedelnayî û 39 sivîlî 9 hêzê asayîşî, bi pêroyî 48 kesî birîndar bîyî.

	&nbsp;

	Parlamentera Partîya Têduştî û Demorkasî (DEM Partî) ya Îzmîrî Burcugul Çubuk derheqê babete de qisey kerd.

	&nbsp;

	‘Planê Rojhelatê Mîyanên xira kerd’

	&nbsp;

	Burcugule da zanayîş ke wexto ke şerê Sûrîye dest pêkerdo Erdoganî vato ke nimajê roşanî do Şam de bikero û no bi ca nêame û sebebê nê zî têkoşînê enternasyonel yê Rojawanî hemverê çeteyan yeno kerdiş o. Burcugule wina dewam kerd: “Şarê Rojawanî, Tirkîya, Kurdistanî, şorişgêrê enternasyonal yê her cayê dinya şer kerdî û nêmerg bî. Ewro hema şorişgêrî semedê berpirsyarîyan uca de est ê. Rojawanî nê semedî ra rastîyêk şorişî yê xeylêk planê Rojhelatê Mîyanên xira kerdo. Ê cografya de rastîyêk wina vejîya werte.”

	&nbsp;

	‘Dişminîyê kurdan kenê la şarê Fîlîstînî pawenê’

	&nbsp;

	Burcugule wina dewam kerd: “Îsraîl û Tirkîya babeta hêrişê hemverê wareyê cuya sivîlî de noqtayêke hempar de yê. Noqtayêke qederî yê hempar ê Rojawan û Fîlîstînî yê wina est o. Danê nêweşxaneyan ro, mekteban ro, keyeyan ro û tesîsê ceyranî ro. Dewleta tirkan dişminîyê kurdan kena. Hetêk ra zî Îsraîlî dir bazirganî kena. Semedê hêrişê hemverê Rojawanî sebebê cîya yenê awankerdiş û hêrişî pê yenê. Wazenê bi nê hêrişan sere bidê tewênayîş, zor berê.”

	&nbsp;

	Burcugule tewr peyîn dîyar kerd ke çîyê Kurdistan û Tirkîya de yenê ciwîyayîş, yewbînan ra cîya nîyê û na polîtîka tena bi cografyaya Kurdistanî yena vînayîş do nêro famkerdiş û ganî bi planê Rojhelatê Mîyanên yê polîtîkaya emperyalîzmî bêro vînayîş.

	&nbsp;

	&nbsp;