Wezîrê Edaletî ra derheqê Abdullah Ocalanî de eşkerayîye

2024-10-31 15:01:22


	 

	 

	 

	
		ANQARA- Wezîrê Edaletî Yilmaz Tunçî derheqê tecrîdê Rayberê PKKyî Abdullah Ocalanî ser o eşkerayîye da û wina vat: “Do pêvînayîşê neweyî, goreyê waştişî bêro ercnayîş.” 
	
		 


	Parlamenterê Partîya Têduştî û Demokrasî (DEM Partî) yê Rihayî Omer Ocalan, çarçewaya pêvînayîşê keyeyî dir Zîndanê Tîpê Fyî yê Asayîşê Berzî yê Îmraliyî Raberê PKKyî Abdullah Ocalanî dir pêvînayîş kerd. Pêvînayîş, dimayê 43 aşmî ame kerdiş. Babeta tecrîdî hema zî rojeva rayapêroyî de ca gêna û wextêk winasî de Wezîrê Edaletî Yilmaz Tunçî vat ke do pêvînayîş goreyê waştişan bêro ercnayîş. 

	 

	Yilmaz Tunç ke beşdarê bernameyêk televîzyonî bî, wina cewab da persê, “Do Abdullah Ocalanî dir tu pêvînayîşê bînî bêrê kerdiş yan nê?” Û vat: “Parlamenterê DEM Partîye Omer Ocalan biraziyê ey o, muracatêk kerdibî. Muracatêk newe nêbî, no wextêk derg o avûkatê ey zî muracatan kenê. Peynîya peynî de rewşêke qanûnî ya û pêvînayîş ame kerdiş. Pêvînayîşê newe do goreyê waştişan bêrê ercnayîş. Xora mewzûatê ma de dîyar o ke pêvînayîşê hikûmwerdeyêk, merdimanê xo dir do senîn bo. Her kes eşkeno çarçewaya nê rêziknameyan de heqê xo bişuxilno.”