Meclîsê Cinîyan ê DEM Partî: Biciwîyo şorişê Kobanî 

2024-11-01 14:07:18


	 

	 

	ANQARA - Meclîsê Cinîyan ê DEM Partî mesajê xo yê pîrozkerdişê şorişê Kobanî de vat, "Amancê hêrişê Kobanî ser o bombavarankerdişê destkewtişê cinîyan û cuya têduştî û azad a."

	 

	Meclîsê Cinîyan ê Partîya Têduştî û Demokrasî (DEM Partî) 1ê Teşrîna Peyêne Roja Kobanî ya Dinya pîroz kerd. Mesajê ke pare kerdî de vatî: "Ma xoverdayîş û şoriş bi serkêşîya cinîyan ê hemverê hêrişê çeteyê DAIŞî yê serra 2014ine de Kobanî de ame kerdiş, silam kenê."

	 

	'Ê do tu wext sernêkewê’

	 

	Eşkerayîye de wina ame vatiş: "Cuya newî ya bi paradîgmaya demokratîke, ekolojîk, azadîya cinî ameya awankerdiş, ewro temamê dinya rê bîya îlham. Ma do cinîyanê Kobanî yê ke bi dewanê xo yê ekolojîk û destûrê bingehîn semedê cuyêka têduştî û azadî têdikoşinî dir mîyanê paştdayîşî de bê. Hêrişê hewayî yê îtîfaqê şerî yê AKP-MHPyî hemverê Vakur û Rojhelatê Sûrîye hêrişêk hemverê destkewtişê cinîyan o. Yê ke bi sîyasetê xo yê şerê lêşîn hêrişê şarî û cinîyê Kobanî bikerê, do tu wext ser nêkewê. Amancê hêrişê Kobanî ser o bombavarankerdişê destkewtişê cinîyan û cuya têduştî û azad o."

	 

	'Roj roja pêgirewtişî ya'

	 

	Dewamê eşkerayîye de no çî ame vatil: “Cinî bi sîyasetê şerî destûr nêdanê ke şima îqtîdarê xo bipawê. Ewro roja pêgirewtişî yo. Biciwîyo Şorişê Kobanî.”