
Vilakerdişê JINKARTî dest pêkerd

2024-11-02 13:28:13


	&nbsp;

	&nbsp;

	AMED - Şaredarîya Bajarê Pîlî ya Amedî, semedê asankerdişê cuya cinîyan ê bêpere, dest vilakerdişê JINKARTî kerd.

	&nbsp;

	Semedê xebata JINKARTî ke hetê Serekîya Xizmetê Cinî û Keyeyî ra ame destpêkerdiş ke cuya rojane ya cinîyê mabêne 18-64 serrî de yê bêasayîşê komelî asan bikero, 8 hezar û 820 muracatê vernî ameyî kerdiş. Muracat hetê komisyonêk ra ame cigêrayîş ke ci de Serekîya Xizmetê Cinî û Keyeyî, Serekîya Çapemenî, Weşan û Têkilîyê Şarî, Serekîya Xizmetê Komelî, endamê meclîsê şaredarî û şaredarîyê qezayan zî ca gênê. Dimayê cigêrayîşê yew bi yew, 7 hezar cinî yê ke mercê muracatî pê ardî, bi rayîrê online û SMSî ameyî agahdarkerdiş.

	&nbsp;

	JINKART 1400 cinîyan rê ame dayîş

	&nbsp;

	Vilakerdişê JINKARTî ke hazirîyê ci ameyî temamkerdiş dest pêkerd. JINKARTî beşê Çareserîyê Cayî yê Şaredarîya Bajarê Pîlî ra gênê. Heta nika &nbsp;1400 cinîyan JINKART girewt û dest bi şuxilnayîşî kerd.

	&nbsp;

	Cinîyê ke bi rayîrê online û SMSî ameyî agahdarkerdiş, do bieşkê kartê xo bi rêkûpêk beşê Çareseriya Cayî de yê Şaredarîya Bajarê Pîlî ra bigîrê.

	&nbsp;

	JINKART ke aşmane 90 heqê esparbîyayîşî yeno barkerdiş, cinî do sewbîna çalakîyê sazgehê komelî û şîrketê Şaredarîya Bajarê Pîlî bi destkerdişê se ra 20î ra feyde bigîrê.

	&nbsp;

	&nbsp;

	

	&nbsp;