
Semsûr de festîvala tutan û ciwanan 

2024-11-02 15:02:33


	&nbsp;

	&nbsp;

	SEMSÛR - Bajarokê Komirî yê Semsûrî de 1ine Festîvala Tutan û Ciwanan bi coşêk dest pêkerd.&nbsp;

	&nbsp;

	Bajarokê Komirî yê Semsûrî de serkêşîya Komeleya Vernê de Tutî, 1ine Festîvala Tutan û Ciwanan dest pêkerd. Akerdişê festîvala ke do 2 rojan dewam bikero wareyê ke Merkezê Kultur û Hunerî yê Komirî ci de ame kerdiş. Wareyê festîvale bi balonê rengîn ame xemilanayîş. Sewbîna berardişê ke tutê ke merkezê kulturî de perwerdeyê resimî vînenê, xêzkerdişê înan ware de ameyî daliqnayîş. Zarok Tv, Şanoya Bajarî yê Amedî, Ma Musîc Center, Şaredariya Komirî û Weqfê Kultur û Hunerî yê Stenbolî û xeylêk kesî tewrê akerdişê festîvale bîyî.&nbsp;

	&nbsp;

	Sereka Komeleya Vernî de Tutî Meryem Ozdemîr festîvale de qisey kerd û vat: “Ma bi kedêke pîl ameyî tîya. Ma xeylêk paştdayîş girewt. Xeylêk zehmetî ma ant la ma serkewtî. Ma sipasîyê xo pêşkeşê her kesê ke destek dayî ma kenê. Çarçewaya festîvale de xeylêk bername est ê û pêro zî bikeyf ê. Di rojî do pirrî derbaz bibê. Ma nika ra tepîya zî atolyeyan organîze bikerê.”

	&nbsp;

	Akerdiş de wendekarê merkezê hunerî semah gêrnayî. Performansê tutan ame ecibnayîş û beşdarwanî demêk derg serê lingan de çepîkî kerdî. Badê hetê Sinifanê Kolektîfî ra “Atolyeya serê rêça Polock” ameye organîzekerdiş. Atolye de darî çînayî û &nbsp;û resiman xêz kerdî.&nbsp;

	&nbsp;

	Festîvale, do bi aktîvîteyanê tewir tewir dewam bikero.

	&nbsp;

	&nbsp;