‘Qayûm darbe bixo yo’

2024-11-04 14:14:53


	 

	 

	 

	ANQARA - Parlamentera EMEPî Sevda Karaca reaksîyon vera tayînkerdişê qeyûman ê şaredarîyan mojna û vat, "Hukmato ke bi polîtîkayê şerî yê Rojhelatê Mîyanên keno roj bi roje zêdeyêr xetêmêno, bi yew destî tîyatroyêk kay keno. O bi xo teroro rastîn pê ano."

	 

	Wezaretê Karê Zereyî neql kerd ke qeyûmî Şaredarîya Bajarê Pîlî ya Mêrdînî, Şaredarîya Êlihî û Şaredarîya Xelfetî ke binê îdarekarîya Partiya Têduştî û Demokrasî (DEM Partî) de yê, ameyê tayînkerdiş. Polîsan saetê sibayî de awanîyê şaredarî kerd binê ablûqa, şar bi xoverdayîş semedê pawitişê îradeyê xo reaksîyon mojna.

	 

	Parlamentera Partîya Kede (EMEP) Sevda Karaca reaksîyon vera tayînkerdişê qeyûman mojna.

	 

	'Qeyûm darbe bixo yo'

	 

	Sevda Karaca, dîyar kerd ke hukmat bi qeyûman îradeyê şarî şikineno û dîyar kerd ke hukmat çareserî ra dûrî yo. Sevda Karaca vat, “Siyasetê qeyûmî û komployî bîyo nîşaneyê rejîmê yew mêrdeyî. Qeyûm darbe bixo yo. Pratîkê qeyûmên ke heta nika ameyê tayînkerdiş dîyar o. Îqtîdaro ke bi polîtîkayê şerî yê Rojhelatê Mîyanên keno, roj bi roje ver bi xetimnayîşî şino, destekê kedkaran vînî keno.”