Riha de xeylêk kesî ameyî destbendkerdiş

2024-11-05 11:04:30


	 

	 

	RIHA - Hemverê tayînkerdişê qeyûmî yê Şaredarîya Xelfetî, xoverdayîşê welatijan dewam keno û bajar de xeylêk kesî destbend bîyî.

	 

	Tayînkerdişê qeyûman şaredarîyê Bajarê Pîlî yê Mêrdîn, Êlih û Xelfetî ke vizêrî xeylêk bajaran de dest pêkerd, bi xoverdayîş ame protestokerdiş.

	 

	Badê çalakîyan, serê sibayî erzîya xeylêk adresan ser û sereştişî de xeylêk kesî destbend bîyî.

	 

	Nameyê kesê ke ameyê destbendkerdiş wina yê: "Adîle Fîdan, Muhammet Algaç, Berîvan Kocaoglû, Gûrkan Goktaş, Yusuf Yeşîltepe, Musa Yalçinkaya, Elîf Yalçin û Seve Yalçinkaya.”