Amed de hemverê qeyûmî rayîrşîyayîş: Ma do xoverdayîşê xo pîl bikerê

2024-11-05 15:08:53


	 

	 

	  

	 

	AMED - Amed de cinîyê TJAyî bi sloganê "Qeyûm Kurdistanî ra vejîyo" heta Şaredarîya Sûrî rayîr ra şîyî û mesajê ke ê do xoverdayîş hîra bikerê dayî.

	 

	Têgêrayîşê Cinîyanê Azadan (TJA) badê eşkerekerdişê deklerasyonê 25ê Teşrîna Peyêne bi pankartê "Qirkerdişê cinî siyasî û îdeolojîk o" rayîr ra şîyî. Aktîvîstê TJA, Verfeka Meclîsê Cinîyanê DEM Partî Halîde Turkoglu û Verfeka Meclîsê Cinîyanê DBPyî Bêrîvan Bahçecî beşdarê rayîrşîyayîşî bîyî.

	 

	Înan tu astengî nas nêkerdêne

	 

	Endamê TJAyî bi tilîlî û çepikan Qesrê Îskender Paşa ra heta Şaredarîya Sûrî rayîr ra şîyî. Rayîr şîyayîş de sloganê "Jin jiyan azadî" û "Qeyûm ji Kurdistanê bicehime" ameyî berzkerdiş. Hewl ame dayîş ke pankartê cinîyê ke hetê polîsan ra ameyî astengkerdiş bêrê desteserkerdiş. Cinîyê ke destûr nêdayî hewldayîşê polîsan ê astengkerdişê, bi pankartê "Qirkerdişê cinî sîyasî û îdeolojîk o" rayîrşîyayîşê xo dewam kerdî.

	 

	'Ma şîdetê camêrd-dewlete dir rî bi rî yê'

	 

	Cinîyê ke ameyî Şaredarîya Sûrî uca de eşkerayîye dayî. Verfeka Meclîsê Cinîyan ê DEM Partîye Halîde Turkoglu eşkerayî de qisey kerd û vat, “Têkoşînê ma yê hemverê şîdetê dewleta camêrdî de dewam keno. Ewro ma tayînkerdişê qeyûman dir bi şîdetê camêrd-dewlete dir rî bi rî yê. Sîstemê azadîya cinî ya ke ma îdarekarîya herêmî de awan kerdo, sîstemê cinîyan ê hemverê şîdetê camêrdî têkoşîn kerdo, awan kerdo. Wazenê vengê têkoşînê cinîyan bibirnê.”

	 

	Ma do qeyûman bişirawê'

	 

	Halîde Turkoglu, wina dewam kerd, “Ma caardişê qeyûmê ke tayînî Êlih, Mêrdîn, Esenyurt, Xelfetî û Colemêrgî ameyê kerdiş, qebûl nêkenê. Ma qeyûmê tayînkerde bi tu hawayî qebûl nêkenê. Semedo ke ê karmendê dewlete yê. Karmendî tewr zêde wezîfeyê burokratîk pê anê, la mecbûr ê ke waştişê şarî ca bîyarê. Yê ke nê îradeyî talan kenê, îradeyê şar, cinî û ciwanan ê xo rayîr ra berê qebûl nêkenê. Ma do têkoşînê xo yê semedê cuya azad û têduştî hîra bikerê."