
Xelfetî 3 rojî yo xo ver dano

2024-11-06 14:30:38


	&nbsp;

	&nbsp;&nbsp;

	RIHA- Hemverê tayînkerdişê qeyûmî yê Şaredarîya Xelfetî de şar 3 rojî yo xo ver dano.

	&nbsp;

	Badê qeyûm tayînê Şaredarîya Xelfetîyê Rihayî ame kerdiş, xoverdayîşê şarî dewam keno. Çalakîya xoverdayîşî û nobetî ya hemverê qeyûman roja 3ine de dewam keno. Parlamentera DEM Partî Ayten Kordu, Ferît Şenyaşar, Dîlan Kunt Ayan, Zulkuf Uçar, Mîthat Sancar, Partiya DBP, rêxistinê bajarî û qezayê Rihayî yê DEM Partî, Dayîkê Aştîye û xeylêk kesî beşdarê xoverdayîşî bîyî.

	&nbsp;

	Dewamkerdişê xoverdayîşî yeno pawitiş

	&nbsp;

	Hemsereka Pêroyî ya DBPyî Çîgdem Kiliçgûn Uçar, Hemserekê Pêroyî yê DEM Partî Tûlay Hatîmogullari û Tuncer Bakirhan, Hemsereka Pêroyî ya HDPyî Sultan Ozcan, Partîya Azadîya Komelî Juliana Gozen, Serekê TÎPî Erkan Baş, Hetkara Serekîya Pêroyî ya EMEPî Sevda Karaca, Temsîlkara Serekîya Pêroyî ya EMEPî Sevda Karaca, Hemserekê Pêroyî yê ÎHDyî Huseyîn Kuçukbalaban û xeylêk partîyê sîyasî û sazgehê sivîlî serdayîşê bajarî bikerê.&nbsp;

	&nbsp;

	'Şima nêeşkenê ma asteng bikerê'

	&nbsp;

	Welatijêke astengdare wexto ke nobete ra derbaz bî, reaksîyon vera tayînkerdişê qeyûmî mojna û vat, ê hemşaredaranê Şaredariya Xelfetî dir mîyanê paştdayîşî de yê û wina vat: "Mi raya xo da şima. Senîn nika nêverdenê şima bikewê şaredarî? Ma ça ciwîyenê? Tîya polîsê hêzê çevîkî kom kerdê. Zulm nêvînenê. Heqê ma yê merdimayî est ê. Ma kurd ê.”

	&nbsp;

	Çalakîya nobete ya girseyî dewam kena.

	&nbsp;

	&nbsp;